පුවත්

13 වැනි ජාතික පරිසර නියමු කඳවුර ශ්‍රිපාද ජාතික අධ්‍යාපන විද්‍යාපීඨයේ දී

2017 අගෝස්තු 10 වැනි බ්‍රහස්පතින්දා - 124  

IMG_0138

මෙවර 13 වන ජාතික පරිසර නියමු කඳවුර 2017 අගෝස්තු මස 23,24,25 සහ 26 යන දිනයන්හි නුවරඑළිය,කොටගල ප්‍රදේශයේ පිහිටි පතන, ශ්‍රීපාද ජාතික අධ්‍යාපන විද්‍යාපීඨ පරිශ්‍රයේදී පැවැත්වේ. මේ සඳහා පරිසර නියමු වැඩසටහන තුළ ක්‍රියාකාරින් බවට පත්වෙමින් ඉහළ කුසලතා දැක්වූ පරිසර නියමුවන් 250ක් සමඟ වැඩසටහනේ ක්‍රියාකාරින් ඇතුළු 350ක් පමණ සහභාගී විමට නියමිතය.

මෙම ජාතික උත්සවයේ සමාරම්භක උළෙල අගෝස්තු මස 24 වන දින පෙරවරු 8.00ට මධ්‍යම පළාත් ප්‍රධාන අමාත්‍යය ගරු සරත් ඒකනායක මැතිතුමන්, මධ්‍යම පළාත් ආණ්ඩුකාර ගරු නිලූකා ඒකනායක මැතිණිය, මහවැලි සංවර්ධන හා පරිසර නියෝජ්‍ය අමාත්‍ය ගරු නීතීඥ අනුරාධ ජයරත්න මැතිතුමාගේ ප්‍රධානත්වයෙන් පැවැත්වීමට නියමිතය. මෙම අවස්ථාවට මහවැලි සංවර්ධන හා පරිසර  අමාත්‍යාංශයේ ලේකම් අනුර දිසානායක මහතා ඇතුළු ප්‍රාදේශීය ප්‍රධාන පරිපාලන නිලධාරින් සමඟ මධ්‍යම පරිසර අධිකාරියේ සභාපති මහාචාර්ය ලාල් මර්වින් ධර්මසිරි, අධ්‍යක්ෂ ජනරාල් පී.බී. හේමන්ත ජයසිංහ  සහ පරිසර අධ්‍යාපන හා දැනුම්වත් කිරීමේ අංශයේ නියෝජ්‍ය අධ්‍යක්ෂ ජනරාල් ගාමිණි ජයසිංහ යන මහත්වරුන් ඇතුළු සම්භාවනීය අමුත්තන් විශාල පිරිසක් සහභාගී වීමට නියමිතය.

මෙම ජාතික උත්සවයේ සමාරම්භක උළෙල අගෝස්තු මස 24 වන දින පස්වරු 2.00ට මධ්‍යම පළාත් ප්‍රධාන අමාත්‍යය ගරු සරත් ඒකනායක මැතිතුමන්, මධ්‍යම පළාත් ආණ්ඩුකාර ගරු නිලූකා ඒකනායක මැතිණිය, මහවැලි සංවර්ධන හා පරිසර නියෝජ්‍ය අමාත්‍ය ගරු නීතීඥ අනුරාධ ජයරත්න මැතිතුමාගේ ප්‍රධානත්වයෙන් පැවැත්වීමට නියමිතය. මෙම අවස්ථාවට මහවැලි සංවර්ධන හා පරිසර  අමාත්‍යාංශයේ ලේකම් අනුර දිසානායක මහතා ඇතුළු ප්‍රාදේශීය ප්‍රධාන පරිපාලන නිලධාරින් සමඟ මධ්‍යම පරිසර අධිකාරියේ සභාපති මහාචාර්ය ලාල් මර්වින් ධර්මසිරි, අධ්‍යක්ෂ ජනරාල් පී.බී. හේමන්ත ජයසිංහ  සහ පරිසර අධ්‍යාපන හා දැනුම්වත් කිරීමේ අංශයේ නියෝජ්‍ය අධ්‍යක්ෂ ජනරාල් ගාමිණි ජයසිංහ යන මහත්වරුන් ඇතුළු සම්භාවනීය අමුත්තන් විශාල පිරිසක් සහභාගී වීමට නියමිතය.

පරිසරය අප රකියි - රකිමු අපි පරිසරය තේමාව යටතේ ජාතික පරිසර නියමු වැඩසටහන හරහා ශ්‍රී ලාංකේය පාරිසරික උරුමය සුරැකීමට පියනගන පරිසර නියමුවකු පරිසර ක්‍රියාකාරකම් රැසකට සම්බන්ධ වෙමින් පදක්කම් 05ක් ලබාගැනීම දක්වා ක්‍රියාවලියක ගමන් කළ යුතුය. එහිදී විශේෂ දක්ෂතා දැක්වූ පාසල් 50ක පරිසර නියමුවන් 250ක් පමණ සමස්ත දිවයිනම ආවරණය වන පරිදි විවිධ ප්‍රදේශවලින් මේ සඳහා සහභාගී වේ. සිංහල, ද්‍රවිඩ හා මුස්ලිම් සිසු සිසුවියන් විශාල සංඛ්‍යාවක් පරිසර සුරැකුම යන පොදු අරමුණ වෙනුවෙන් කඳවුරු බඳින සුවිශේෂි පාරිසරික ක්‍රියාකාරකමක් ලෙස මෙම තෙදින කඳවුර හැඳින්විය හැකිය.

1998 වර්ෂයේදී රන්දෙණිගල වනජිවී පුහුණු මධ්‍යස්ථානයෙන් ආරම්භ කරන ලද පරිසර නියමු කඳවුරු වැඩසටහන මෙවර පැවැත්වනුයේ 13 වන වරටය. පරිසර නියමුවන් පාසලේදී පරිසරය පිළිබඳව ලබන න්‍යායික දැනුම දින 04ක් පුරා ප්‍රායෝගිකව අත්විඳීමට අවස්ථාව ලැබෙන පරිදි මධ්‍යම පරිසර අධිකාරියේ, පරිසර අධ්‍යාපන හා දැනුම්වත් කිරීමේ අංශය විසින් මෙම වැඩසටහන සංවිධානය කර ඇත.

විශේෂාංග රැසකින් යුතු මෙවර ජාතික පරිසර නියමු කඳවුර තුළ පදක්කම් හා සහතිකපත් ප්‍රදානයට අමතරව  ප්‍රායෝගික හා න්‍යායික පාරිසරික දැනුම බෙදාදීම සඳහා විවිධ විශේෂාංග අන්තර්ගත කර ඇත.

-------------------------------------------------------------------------------------------------------------------------------------------

අනාගත ශ්‍රී ලාංකේය පුරවැසියන් පරිසර හිතකාමීන් ලෙස සමාජගත කිරීමේ උදාර පරමාර්ථයෙන්, අධ්‍යාපන අමාත්‍යාංශයේ සහයෝගයෙන් මධ්‍යම පරිසර අධිකාරිය විසින් මෙරට පාසල් පද්ධතිය තුළ ක්‍රියාත්මක කරන පුළුල් පරිසර ජාලය පරිසර නියමු වැඩසටහනයි. 1984 දී කොළඹ මාළිගාවත්ත නව නගරය කේන්ද්‍ර කරගනිමින් සිසුන් 25 දෙනෙකුගේ කුඩා කණ්ඩායමකින් ඇරඹි මෙම වැඩසටහන අද වන විට දිවයින පුරා බොහෝ පාසල්වල ක්‍රියාත්මක වැඩසටහනක් බවට පත්ව ඇත.

--------------------------------------------------------------------------------------------------------------------------------------------

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...