පුවත්

කසල වලින් නව විදුලි බලාගාරය ඉදිකිරීමට මුල පුරයි

2017 අගෝස්තු 10 වැනි බ්‍රහස්පතින්දා - 18  

වත්තල කෙරවලපිටියේ දී ඉදිකරන කසල වලින් විදුලිය නිපදවන විදුලි බලාගාරය සඳහා මුල්ගල තැබීම ජනපති මෛත්‍රීපාල සිරිසේන මහතාගේ ප්‍රධානත්වයෙන් අද (10) සිදු කැරිණි.

මහානගර හා බස්නාහිර සංවර්ධන අමාත්‍යාශය මගින් ක්‍රියාත්මක කෙරෙන මෙම ව්‍යාපෘතිය කොරියානු සමාගමක් සමඟ එක්ව දියත් කරනු ලබන්නේ ජී එස් පී වේස්ට් මැනේජ්මන්ට් පෞද්ගලික සමාගම සහ ඊ එම් එල් කන්සල්ටන්ට් පෞද්ගලික සමාගම විසිනි. මෙය රුපියල් බිලියන 1200කට ආසන්න ආයෝජනයකි.

කසල මෙට්‍රික් ටොන් 700 ක ධාරිතාවක් ඇති මෙම බලාගාරයෙන් ජාතික විදුලිබල පද්ධතියට මෙගාවොට් 240 ක් විදුලිය එකතු කෙරෙනු ඇත. 

මහානගර හා බස්නාහිර සංවර්ධන අමාත්‍ය පාඨලී චම්පික රණවක, විදුලිබල හා පුණර්ජනනීය බලශක්ති අමාත්‍ය  රංජිත් සියඹලාපිටිය, බස්නාහිර පළාත් ප්‍රධාන අමාත්‍ය ඉසුර දේවප්‍රිය , මුදල් හා ජනමාධ්‍ය නියෝජ්‍ය අමාත්‍ය ලසන්ත අලගියවන්න ඇතුළු මහත්වරු ඊට සහභාගී වුහ.

ඡායාරූප- මහානගර හා බස්නාහිර සංවර්ධන අමාත්‍යාංශය

සබැඳි පුවත්

කසල වලින් නව විදුලි බලාගාරයක්

Car (7) Car (11) Car (1) Car (2) Car (3) Car (4) Car (5) Car (6) Car (8) Car (9) Car (10)