ලොව වටා

නෙපාර්ටැක් නිසා චීනයට හා තායිවානයට දැඩි බලපෑම්

2016 ජූලි 08 වැනි සිකුරාදා - 45  

(UPDATE) නෙපාර්ටැක් සුළි කුණාටුව අද උදෑසන තායිවානය වෙත ඇතුළු වූ බවත්, එය ඉදිරියේදී නැගෙනහිර චීනය දක්වා ඇදී යන බවත් කාලගුණ අංශ පවසයි.

මේ නිසා තායිවානයේ නැගෙනහිර වෙරළ කලාපයට මේ වනවිටත් අඟල් 12 - 24ත් තරම් අධික වැසි ලැබී ඇති බවද විදෙස් වාර්තා පෙන්වා දෙයි.

එමෙන්ම, පැයට සැතපුම් 153ක පමණ වේගයෙන් යුතු සුළං වාර්තා වී ඇති අතර, මෙම සති අන්තය වනවිට සුළි කුණාටුව හේතුවෙන් නැගෙනහිර චීනය වෙතද අධික වැසි වාර්තා විය හැකි බව කාලගුණ අංශ වැඩිදුරටත් පවසයි.

කෙසේ වෙතත්, නෙපාර්ටැක් සුළි කුණාටුවට කල්තියා තායිවානය දැඩි සූදානමක් දැක්වූ අතර, මෙතෙක් කුණාටුව නිසා සිදුවූ ජීවිත හානි පිළිබඳ වාර්තා නොවෙයි.

(10.00pm - 07/07) ...............................................................................................

තායිවානය වෙත පැයට කි.මී. 263ක වේගයෙන් නෙපාර්ටැක් සුළි කුණාටුව ඇදී එන බවත්, එය ඉදිරි පැය කිහිපය තුළ එරටට ඇතුළු විය හැකි බවත් කාලගුණ අංශ පවසයි.

පස් වැනි මට්ටමේ සුපිරි සුළි කුණාටුවක් ලෙස නම් කර ඇති නෙපාර්ටැක් වෙතින් සිදුවිය හැකි බලපෑම අවම කරගැනීමේ අරමුණින්, ප්‍රධාන භූමියට ඔබ්බෙන්වූ සියලු දූපත්වල සිටි විදෙස් සංචාරකයන් ඉවත්කර ගැනීමටද ආරක්ෂක අංශ කටයුතු කර තිබේ.

එමෙන්ම වෙරළ ආශ්‍රිතව ජීවත්වන බොහෝ පිරිසක්ද ආරක්ෂිත ස්ථාන කරා යොමුකර ඇති අතර, සහන සැලසීමේ කටයුතු වෙනුවෙන් 35,000කට අධික බලකායක්ද සූදානම් කර ඇති බව කියයි.

මෙම සුළි කුණාටුවත් සමග ඇතිවන අධික වැසි හේතුවෙන් ජල ගැලීම් මෙන්ම, නායයෑමේ අවදානම්ද පවතින බවත්, අධික සුළං සමග ඇති වන ධාරාණිපාත වර්ෂාවන් බලාපොරොත්තු වෙයි.

විශේෂයෙන්ම ග්‍රීන් හා ඕකිඩ් යන දූපත්වල සිටි සංචාරකයන් 3,000ක් පමණ ඉවත් කර ඇති අතර, ටායුආන් ගුවන් තොටුපොළට ඇතිවිය හැකි බලපෑම අවම කරගැනීමට අවශ්‍ය පියවර ගෙන ඇති බවද කියැවෙයි.

2015 වසරේදීද තායිවානය සුපිරි චණ්ඩ මාරුතයකින් බැට කෑ අතර, එහිදී පුද්ගලයන් තිදෙනෙකු ජීවිතක්ෂයට පත්ව, 300කට අධික පිරිසක් තුවාල ලැබීය.ada

1_Taiwan(1) 2(2364)

 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...