Uncategorized

සමස්ත ලංකා පාසල් මයිලෝ කුසලාන නෙට්බෝල් තරගාවලිය මාතලේ බණ්ඩාරපොළ මහ විදුහලට ශූරතාවක්

2017 ඔක්තෝබර් 10 වැනි අඟහරුවාදා - 78  

ශ්‍රී ලංකා පාසල් නෙට්බෝල් සංගමය නෙස්ලේ ලංකා සමාගමේ අනුග්‍රහයෙන් 26 වැනි වරටත් පැවති සමස්ත ලංකා පාසල් මයිලෝ කුසලාන නෙට්බෝල් තරගාවලියේදී මාතලේ බණ්ඩාරපොළ මහ විදුහල ළමුන් දහසකට අඩු පාසල් අතර පැවැත්වෙන බී කොටස නියෝජනය කරමින් 17න් පහළ ශුරතාව සහ 15න් පහළ තෙවන ස්ථානය දිනා ගනිමින් මෙවර (2017) බී කොටසේ වැඩි දක්ෂතා දැක්වීමට සමත්විය. මෙහිදි මෙවර බී කොටසේ 17න් පහළ දිවයිනේ දක්ෂතම නෙට්බෝල් ශුරිය ලෙස මාතලේ බණ්ඩාරපොළ මහ විදුහලේ සඳනි මල්ෂා වීරසිංහ සම්මාන ලැබුවාය.
මෙවර 17න් පහළ ශුරතාවට හිමිකම්කී බණ්ඩාරපොළ ම.වි. ක්‍රීඩිකාවන්ගෙන් සමන්විත කණ්ඩායම 2015 වසරේ සිට අඛණ්ඩව මයිලෝ නෙට්බෝල් ශුරතා ත්‍රිත්වයකට හිමිකම් කීමද විශේෂත්වයකි. 2015 සහ 2016 වසරේදී 16න් පහළ මයිලෝ සමස්ත ලංකා ශුරතා හා මෙවර 2017- 17න් පහළ ශුරතාව දිනාගනිමින් එම ශුරතා ත්‍රිත්වයට බණ්ඩාරපොළ ම.වි ක්‍රීඩිකාවන්ට හිමිකම ලැබුණි. 
මාතලේ දිසාවට මයිලෝ පාසල් නෙට්බෝල් ශුරතා දිනාදුන් මුල්ම හා එකම පාසල බවටද පත්ව සිටින බණ්ඩාරපොළ මහ විදුහල එම විදුහලේ නෙට්බෝල් ක්‍රීඩාව අරඹා වසර 6ක් තුළදි මයිලෝ සමස්ත ලංකා නෙට්බෝල් තරග වලදී 2013 වසරේ සිට මේ දක්වා ළමුන් දහසකට අඩු පාසල් අතර බී කොටසේ සමස්ත ලංකා ශුරතා තුනක්, අනුශුරතා තුනක් සහ තෙවන ස්ථාන තුනක් හිමිකරගෙන සිටිමද විශේෂත්වයකි. එම කාලය තුළදි ක්‍රීඩිකාවන් තිදෙනෙකු අවස්ථා 4කදී සමස්ත ලංකා පාසල් නෙට්බෝල් ශුරියන් ලෙස සම්මාන දිනාගැනීමද කැපී පෙනේ. 2015 - සඳනි මල්ෂා වීරසිංහ (16න් පහළ) අනුරාධි හංසිමා රත්නායක (18න් පහළ), 2016 - උපේක්ෂා චතුරංගනි දිසානායක (16න් පහළ) සහ 2017 - සඳනි මල්ෂා වීරසිංහ (17න් පහළ) සමස්ත ලංකා ශුරියන් ලෙස සම්මාන ලැබු එම ක්‍රීඩිකාවන්ය. 
මෙවර 17න් පහළ ශුරතාවය දිනු බණ්ඩාරපොළ ම.වි පිල සඳනි මල්ෂා වීරසිංහ, තෙවැනි ස්ථානය දිනු පිල පවනි ජයරත්න මෙහෙයවුහ. මෙම කණ්ඩාවම්වල පුහුණුකාරිණි ක්‍රිෂ්ණි සිරිවර්ධන මහත්මියයි. 
මෙම ජයග්‍රහණ පිළිබඳ අදහස් දැක්වු ක්‍රීඩා උපදේශිකා ක්‍රීෂ්ණි සිරිවර්ධන මහත්මිය මෙසේ කීවාය. කෙටි කලකදි මෙවැනි ජයග්‍රහණ හිමිකර ගැනීමට හැකිවීම ගැන අවංකවම සතුටු වෙනවා. ඇත්තටම මට මගේ දරැවෝ ගැන ඇත්තේ මහත් අභිමානයක්. මේ අභියෝග දුෂ්කරතා රුසක් මැද ආපු ගමනක්. මගේ දරුවෝ ඒ අභියෝග දුෂ්කරතා සැමදාම ජයගත්තා. මේ ගමනට විදුහල්පතිතුමා ඇතුළු ආචාර්ය මණ්ඩලයත් මාපියනුත් දක්වන සහයෝගය මම ඉතා අගය කරනවා. ඒ වගේම මේ ගමනට අපට දිරිදුන් පිරිස බොහෝ දෙනෙක් සිටිනවා. ඒ සැමටම මගේ ගෞරවය පුදකර සිටිනවා. 
(මාතලේ විශේෂ මහේෂ් කිර්තිරත්න)

දින පොත
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...
  • තාරකා විද්‍යාඥයෙක් වෙන්න මග කියන දුරේක්ෂයක් දිනා ගන්න Read more...