ලොව වටා

රොබට් මුගාබේ ජාතිය ඇමතීමට සැරසේ

2017 නොවැම්බර් 20 වැනි සඳුදා - 23  

සිම්බාබ්වේ ජනාධිපති රොබට් මුගාබේ ජාතිය ඇමතීමට සැරසෙමින් සිටින බව රාජ්‍ය මාධ්‍ය වාර්තා කරයි. ඉරිදා පාලක සානු-පීඑෆ් පක්ෂයේ නායකත්වයෙන් පහ කරනු ලැබීමෙන් අනතුරුව, ජ්‍යෙෂ්ඨ හමුදා නිලධාරීන් ද මුණගැසුණු ජනාධිපතිවරයා එහිදී විශේෂ නිවේදනයක් කිරීමට නියමිතය. ජාතිය ඇමතීම වෙනුවෙන් තමන් සමග රැඳී සිටින්නැයි මුලින් විශේෂ නිවේදනයක් කළ රාජ්‍ය රූපවාහිනිය ඉන් අනතුරුව සවස ප්‍රවෘත්ති විකාශය කළේය. 

රොබට් මුගාබේ ගේ ඉතිහාසය කෙටියෙන් :

1924: ස්විම්බා දිස්ත්‍රික්කයේ උපත ලැබීය. පසුව ගුරුවරයෙකු ලෙසින් පුහුණුව ලැබීය.

1964: රොඩේෂියා ආණ්ඩුව විසින් සිරගත කරනු ලැබීම

1980: නිදහසින් පසුව රටේ පළමු මැතිවරණයෙන් ජයග්‍රහණය ලැබීම

1996: ග්‍රේස් මරුෆු සමග විවාහවීම

2000: ජනමත විචාරණයෙන් පරාජය වීම. මුගාබේ වාදී සන්නද්ධ කණ්ඩායම් සුදු ජාතිකයන්ගේ ගොවිපොළ ආක්‍රමණය කරති

2008: ජනපතිවරණයේ පළමු වටයේදී මෝගන් චන්ගිරායිට පරාජය වෙයි. එහෙත් සිය ආධාරකරුවන්ට ප්‍රහාර එල්ලවීම හමුවේ චන්ගිරායි මැතිවරණයේ දෙවැනි වටයෙන් ඉවත්වෙයි

(බිබිසී ලෝක පුවත් සේවය)