ලොව වටා

සෞදි කතුන් හමුදා සේවයට

2018 පෙබරවාරි 27 වැනි අඟහරුවාදා - 36  

සෞදි කතුන්ට එරට හමුදා සේවයට ඇතුළත් වීමට ද සෞදි රජුගේ අවසරය හිමිවී ඇති බව රෙයිටර් පුවත් සේවය උපුටා දක්වමින් ලංකාදීප වාර්තා කරයි. රාජආඥාවට අනුව, හෙට (28) සිට රියාද්, මක්කම, අල් කසීම් සහ මදීනා යන නගරවලදී කාන්තාවන් හමුදා සේවයට බදවා ගැනීම සිදු කිරීමට නියමිත බවත් තම තමන් කැමැති තනතුරු වෙනුවෙන් අයැදුම්පත් නිකුත් කිරීම කළ හැකි බවත් සෞදි රජය දැනුම් දී ඇත. හමුදා සේවයට බඳවා ගැනෙන්නේ අවුරුදු 25 ත් 35 ත් අතර තරුණියන් වන අතර ඔවුන් සෞදි ජාතිකයන් විය යුතුය. උසස් අධ්‍යාපනය ලබා සිටිය යුතුය. ආරම්භක අදියරේදී දොලොස් දෙනකු පමණක් බඳවා ගැනීම සිදු වෙයි. ඔවුන් ආරක්ෂක සේවා සඳහා යෙදවෙනු ඇති අතර සටන් බිමට යැවීක් සිදු නොකරන බව ද පැවැසෙයි. සෞදිය මේ අයුරින් නව ප්‍රතිසංස්කරණ හඳුන්වා දී ක්‍රියාත්මක කරන්නේ ඔටුන්න හිමි සෞදි කුමරු මාහොමද් බින් සල්මාන්ගේ උපදෙස් අනුව යැයි ද පැවැසෙයි. බින් සල්මාන් කුමරු සෞදියේ සල්මාන් රජුගේ පුත්‍රයාය.

(රොයිටර්)

Saudi Press Agency/Handout via REUTERS