පුවත්

ෆේස් බුක් තහනම ඉවත් කරන්න රජයෙන් කොන්දේසි

2018 මාර්තු 12 වැනි සඳුදා - 34  

ජාතිවාදය සහ ජාතික ආරක්ෂාවට හානි වෙන  වෙබ් අඩවි භාවිතයෙන් ඉවත් කිරිම ඇතුලු රජය ලබාදෙන කොන්දේසි ඉටුකිරිමට ෆේස් බුක් ආයතනය කටයුතු කළහොත් ෆේස් බුක් තහනම ඉවත් කිරිමට සුදානම් බව විදුලි සංදේශන ඩිජිටල් යටිතල පහසුකම් සහ විදේශ රැකියා අමාත්‍ය හරීන් ප‍්‍රනාන්දු මහතා ලංකාදීපයට පවසා තිබේ.
 ෆේස්බුක් ආයතනය සමග දිගින් දිගටම සාකච්ඡා සිදුකරමින් සිටන බවත් අමාත්‍යවරයා කියා ඇත.
 ‘‘අපිට මේක දේශපාලන ප‍්‍රශ්නයක්  නෙමෙයි. නමුත් ජාතික ආරක්ෂාවට හෝ  ජාතිවාදය අවුස්සන ප‍්‍රශ්න වලට   ඉඩ ලබාදිය නොහැකියි. මේ සම්බන්ධයෙන් තීරණයක් සඳහා ෆේස් බුක් ආයතනය නිර්දේශය ලබා දේවි. එතකන් අප බලන් ඉන්නවා. ජාතිවාදය  ඇතුලු කරුණු  සම්බන්ධයෙන්  වෙනස්කම්  කරන්න කියලා අපි දිගින් දිගටම ඉල්ලීම් කරලා තිබුණත්  ආයතනය ඒ සම්බන්ධයෙන් කිසිදු පියවරක් අරගෙන තිබුනේ නැහැ. 
ජාතිවාදය සහ ජාතික ආරක්ෂාවට හානි වෙන බවට විදුලි සංදේශන නියාමන කොමිෂන් සභාව හෝ සර්ට් ආයතනය හෝ දෙන  ඕනෑම වෙබ් අඩවියක් අයින් කරනවා කියන කොන්දේසිය  ඔවුන් අපිට ලබා ලබාදිය යුතුයි.
 ඒ වගේම සිංහල කියවන්න පුලූවන් වැඩි දායකත්වයක් ගන්න අය ෆේස්බුක් එකට ඇතුළත් කරගන්නවනම්  අපි මේ තහනම ඉවත් කරගන්නවා කියන එක තමයි අපේ ස්ථාවරය’’ 
යැයිද ඔහු පැවසීය.

(ලංකාදීප ඇසුරින්)