පුවත්

මියුසියස් විද්‍යාලයට වසර 125 ක්  සපිරීම නිමිත්තෙන් පාගමනක්

2016 ඔක්තෝබර් 02 වැනි ඉරිදා - 79  

 

කොළඹ මියුසියස් විද්‍යාලයට වසර 125 ක් සපිරීම නිමිත්තෙන් විද්‍යාලයීය ආදි ශිෂ්‍යාවන්ගේ සංගමය විසින් විශේෂ පා ගමනක් සංවිධානය කර තිබේ.

%Paint the City Blue^ යන තේමාවෙන් සංවිධානය කෙරෙන මෙම ආදි කර්තෘන්ගේ පා ගමන (Founders Walk 2016)මෙම මස 08 වැනිදා පෙරවරු 8.30 ට මියුසියස් විද්‍යාලයෙන්ආරම්භවීමට නියමිතය.

විචිත්‍රවත් සංදර්ශන සමගින් උත්කර්ෂවත් ලෙස පැවැත්වීමට නියමිත මෙම පා ගමන ඇලෙක්සැන්ඩ්‍රා පෙදෙස, පුරහල මධ්‍ය මාවත, විහාර මහාදේවී උද්‍යානය වටා ගමන් කර නිදහස් චතුරශ්‍රය ඔස්සේ බෞද්ධලෝක මාවතට අවතීර්ණවීමට නියමිතය. ඉන් අනතුරුව ලොන්ඩන් පෙදෙස හරහා ගමන් කර සී.ආර්. ඇන්ඩ් එෆ්.සී ක්‍රීඩාංගණයෙන් (CR and FC Grounds) මෙම පාගමන  අවසන් කිරීමට කටයුතු යොදා තිබේ.

එහිදී විශේෂ සැණකෙළියක් පැවැත්වීමටද සංවිධායක මණ්ඩලය සැලසුම් කර ඇත.

මේ සම්බන්ධයෙන් මාධ්‍ය දැනුවත් කිරීමේ හමුවක් කොළඹ, මියුසියස් විද්‍යාලයීය පරිශ්‍ර‘යේදී පැවැති අතර එහිදී අදහස් දැක්වූ විදුහල්පතිනි එස්.දන්දෙනිය මහත්මිය ප්‍රකාශ කර සිටියේ ලොව පුරා විසිර ඇති මියුසියස් විද්‍යාලයට සම්බන්ධ පාර්ශ්ව එක්රැස් කරගැනීමට මෙය අවස්ථාවක් කර ගන්නා බවයි.

“මියුසියස් විද්‍යාලයට වසර 125 ක් සම්පූර්ණ වන මේ වසරේ 125 වැනි සංවත්සරය සැමරීම සඳහා 2015 නොවැම්බර් 15 වැනිදා සිට විවිධ උත්සව අවස්ථාවන් අපි සංවිධානය කර තිබුණා. ඒ අතුරින් වර්ෂය අවසානයේදී පැවැත්වෙන වැදගත්ම අවස්ථාවක් ලෙස අපි මේ ආදි කර්තෘවරුන්ගේ පා ගමන හඳුන්වනවා.

විද්‍යාලයීය 125 වැනි සංවත්සරය සමරන මේ මොහොතේ අපි සිහිපත් කළයුතු අය තමයි අපේ ආදී කර්තෘවරු. ඒ ආදී කර්තෘවරුන් නොසිටියානම් අද මියුසියස් විද්‍යාලයක් නෑ. බෞද්ධ කාන්තාවන්ගේ අධ්‍යාපනයට අද ලැබෙන තැන ගැන පොඩි සැකයක් පවතිනවා.

ඒ නිසා අපි ඒ අයට කෘතගුණ සැලකීමක් ලෙස අපි මේ පාගමන සංවිධානය කර තිබෙනවා.මේ පා ගමනේ මූලික අරමුණක් තමයි ලංකාව පුරා, ලෝකය පුරා විසිර සිටින ආදි ශිෂ්‍යාවන් සහ වත්මන් පාසල් ශිෂ්‍යාවන්,  එදා ගුරුවරුන්, අද ගුරුවරුන් ආදී මියුසියස් විද්‍යාලය හා සම්බන්ධ සියලුම දෙනා එක්තැන් කර ගැනීමට අවස්ථාවක් සලසා ගැනීම. විද්‍යාලයේ නොයෙකුත් උත්සව විවිධ අවස්ථාවල තිබුණත් ආදි ශිෂ්‍යාවන්ගෙන් සීමිත පිරිසකට තමයි ඒවාට සම්බන්ධ වෙන්න පුළුවන්.

ඒ නිසාම අපි සුපරීක්ෂාකාරීව හිතලා මේ පාගමන සංවිධානය කර තිබෙනවා. එනිසා  විදුහල හා සම්බන්ධ එදා මෙදාතුර සෑම කෙනෙකුටම එක්සත්ව එක්සිත්ව පෙරටුවට ගමන් කරලා එක්තරා විදියක විනෝදාස්වාදයකුත් ලබලා තමන්ගේ විදුහල පිළිබඳව අභිමානයක් දක්වන්න අපි මෙය අවස්ථාවක් කර ගන්නවා * යැයි ඇය මාධ්‍ය හමුවේදී වැඩිදුරටත් සඳහන් කර සිටියාය.

AID_9122 AID_9145 AID_9147

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...