පුවත්

වියළි කාලගුණයෙන් 2,10,000ක් පීඩාවට

2016 ඔක්තෝබර් 02 වැනි ඉරිදා - 48  

වියළි කාලගුණ තත්ත්වය නිසා පීඩාවට පත්ව සිටින පුද්ගලයන් ප්‍රමාණය දෙලක්ෂ දසදහස දක්වා ඉහළ ගොස් තිබේ.

ආපදා කළමනාකරණ මධ්‍යස්ථානය ඊයේ (02දා) නිකුත් කළ දෛනික වාර්තාවට අනුව මේ වන විට  දිස්ත්‍රික්ක 07ක පවුල් 51,561 කට අයත් පුද්ගලයන් 208,107 ක් පීඩාවට පත්ව සිටින බව පෙන්වා දී ඇත.

පසුගිය 25 වැනි දින ආපදා කළමනාකරණ මධ්‍යස්ථානය විසින් නිකුත් කළ දෛනික වාර්තාවට අනුව වියළි කාලගුණ තත්ත්වය නිසා පීඩාවට පත්ව සිටියේ දිස්ත්‍රික්ක දෙකකට අයත් පවුල් 9,997 කට අයත් පුද්ගලයන් 34,809 ක් පමණි.

එහෙත් දින 07 කාලයක් ගත වනවිට දිස්ත්‍රික්ක ප්‍රමාණය 07 දක්වා ඉහළ ගොස් පවුල් 51,561 කට අයත් පුද්ගලයන් දෙලක්ෂය ඉක්මවා ගොස් තිබේ.

මේ හේතුවෙන් ජනතාවට පානීය ජලය අවශ්‍යතා සම්පූර්ණ කරගැනීම සඳහා දැඩි දුෂ්කරතාවන්ට මුහුණදීමට සිදුව තිබෙන බවද වාර්තා වේ. මීට අමතරව ජනතාවගේ වගා භූමි විනාශ වී යාමේ තත්ත්වයකට පත්ව තිබෙන බව ගොවි සංවිධාන සඳහන් කරන අතර වන සතුන් පානීය ජලය සොයා ගැනීමේදී දුෂ්කර වී තිබෙන බව පරිසර සංවිධාන සඳහන් කරයි.

වියළි කාලගුණ තත්ත්වය නිසා විපතට පත් ජනතාව වෙනුවෙන් ලබාදී ඇති සහන පිළිබඳව ආපදා කළමනාකරණ මධ්‍යස්ථානයේ මාධ්‍ය ප්‍රකාශක ප්‍රදීප් කොඩිප්පිලි මහතාගෙන් විමසීමේ දී ඔහු සඳහන් කළේ වියළි කාලගුණ තත්ත්වය නිසා ජනතාව පානීය ජල ගැටලුවකට මුහුණදී සිටින බවය.

මේ නිසා දිස්ත්‍රික් ආපදා කළමනාකරණ ඒකක හා දිස්ත්‍රික් ලේකම් කාර්යාල එක්ව බවුසර මගින් ජලය බෙදාහැරීමේ විධිමත් වැඩපිළිවෙළක් මෙම දිස්ත්‍රික්කවල ක්‍රියාත්මක බවද පවසා සිටියේය.පැය 24 පුරාම අදාළ වැඩපිළිවෙළ දියත් කරන බවත්, ඒ සඳහා අවශ්‍ය මුදල් දිස්ත්‍රික් ලේකම් කාර්යාල වෙත මුදාහැර තිබෙන බවද සඳහන් කළේය. වගා හානි පිළිබඳව තවමත් වාර්තා වී නොමැති බවත්, මීට අමතරව ආහාර හිඟකම පිළිබඳවත් වාර්තා වී නොමැති බවද ඔහු පවසා සිටියේය.

පවතින වියළි කාලගුණ තත්ත්වය නිසා ත්‍රිකුණාමලය දිස්ත්‍රික්කයේ පවුල් 3,867 කට අයත් පුද්ගලයන් 12,677 ක්, මඩකලපුව දිස්ත්‍රික්කයේ පවුල් 16,591 කට අයත් පුද්ගලයන් 57,001 ක්, පොළොන්නරුව දිස්ත්‍රික්කයේ පවුල් 23,187 කට අයත් පුද්ගලයන් 110,352 ක්, කුරුණෑගල දිස්ත්‍රික්කයේ පවුල් 2,617 කට අයත් පුද්ගලයන් 8,422 ක්, වවුනියාව දිස්ත්‍රික්කයේ පවුල් 938 කට අයත් පුද්ගලයන් 8,661 ක්, රත්තපුර දිස්ත්‍රික්කයේ පවුල් 2,845 කට අයත් පුද්ගලයන් 10,994 ක් පීඩාවට පත්ව සිටින බව ආපදා කළමනාකරණ මධ්‍යස්ථානය  සඳහන් කරයි.

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...