ලොව වටා

ඇමෙරිකානු සහ උතුරු කොරියානු නායක හමුව සිංගප්පූරුවේදී

2018 මැයි 13 වැනි ඉරිදා - 39  

තමන් හා උතුරු කොරියානු නායකයා අතර ඓතිහාසික හමුව ජූනි මස 12 වැනිදා සිංගප්පූරුවේදී සිදුවන බව ඇමෙරිකා ජනාධිපති ඩොනල්ඞ් ට්‍රම්ප් (10දා) බ්‍රහස්පතින්දා අනාවරණය කළේය. 
 ඇමෙරිකා එක්සත් ජනපද ජනාධිපතිවරයකු හා උතුරු කොරියානු නායකයකු අතර හමුවක් ඔවුන් දෙදෙනා බලයේ සිටියදීම සිදුවන පළමු අවස්ථාව මෙය වන අතර උතුරු කොරියාව ඇමෙරිකා ජාතිකයන් තිදෙනකු නිදහස් කර පැය කිහිපයක් ගතවන අවස්ථාවේදී නායකයන් දෙදෙනාගේ හමුව සිදුවන වේලාව හා ස්ථානය ට්විටර් පණිවුඩයක් මගින් ප්‍රකාශයට පත් කෙරුණි. 
 “ලෝක සාමය වෙනුවෙන් මෙම හමුව සුවිශේෂී අවස්ථාවක් බවට පත් කරගැනීමට අප දෙදෙනාම උත්සාහ කරනවා” ජනාධිපති ඩොනල්ඞ් ට්‍රම්ප් මෙම සුවිශේෂී ට්විටර් පණිවුඩය නිකුත් කරමින් සඳහන් කළේය. 

වොෂින්ටන්හිදීය (ඒ.එෆ්.පී)