අලුත් පොත්

සොයුස් රොකට්ටුව යළි රාජකාරි අරඹයි

2018 නොවැම්බර් 21 වැනි බදදා - 145  

කසකස්තානයේ පිහිටි බයිකොනොර් කොස්මොඩ්‍රෝමයේ සිට දියත් කෙරෙන රුසියාවේ සොයුස් රොකට්ටුව මගින් ජාත්‍යන්තර අභ්‍යවකාශ මධ්‍යස්තානය වෙත පසුගිය සිකුරාදා භාණ්ඩ තොගයක් රැගෙන ගිය බව විදෙස් මාධ්‍ය පවසයි. පසුගිය මාසයේදී සිදුවුණු සොයුස් රොකට්ටු අනතුරින් පසුව එමගින් සිදු කෙරුණු පළමු වැනි මෙහෙයුමද මෙය ලෙස සැලකෙයි. එසේම ලබන දෙසැම්බර් 03 වැනිදා  සොයුස් රොකට්ටුව මගින් සිදු කිරීමට නියමිතව ඇති මිනිසෙකු සහිත මෙහෙයුම සඳහා මෙය අත්හදාබැලීමේ අවස්ථාවක් ලෙසටද සැලකෙයි.

පසුගිය ඔක්තෝබර්11වැනිදා සිදුවුණු මෙම අනතුර නිසා සොයුස් රොකට්ටුව විනාශ විය. එය දියත් වී මිනිත්තු ගණනකට පසුව එහි දෝෂයක් පවතින බවට රුසියානු සහ එක්සත් ජනපද ගගනගාමීන් දෙදෙනා හඳුනාගැනීම නිසා ක්ෂණිකව ඉන් පිටතට ඒමට ගත් තීන්දුවත් සමග ඔවුන්ගේ ජීවිත ආරක්ෂා විය. මෙය රුසියාවේ සොයුස් රොකට්ටු සම්බන්ධයෙන් හටගත් පළමු වැනි අනතුර ලෙසද සැලකෙයි.

අද වනවිට ජාත්‍යන්තර අභ්‍යවකාශ මධ්‍යස්ථානය වෙත භාණ්ඩ ප්‍රවාහනය සහ ගගනගාමීන් ප්‍රවාහනය සඳහා ඇති එකම ක්‍රමය ලෙස රුසියාවේ මෙම සොයුස් රොකට්ටුව සැලකෙයි. සිදුවුණු අනතුරින් පසුව එම මෙහෙයුම් තාවකාලිකව අත්හිටවුණි.(wmdjbm)

දින පොත
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...
  • තාරකා විද්‍යාඥයෙක් වෙන්න මග කියන දුරේක්ෂයක් දිනා ගන්න Read more...