ලොව වටා

මුහුදුබත් වූ සබ්මැරීනය වසරකට පසුව සොයා ගැනේ

2018 නොවැම්බර් 21 වැනි බදදා - 246  

නාවිකයන් 44 දෙනෙකු සමග අත්ලාන්තික් සාගරයේදී මුහුදුබත් වූ ආර්ජන්ටිනාවට අයත් ඒ.ආර්.ඒ. සැන් ජුආන් සබ්මැරීනය වසරකට පසුව හමුවුණු බව එරට හමුදා බලධාරීන් පසුගියදා පැවසීය. ඔවුන්ට අනුව සබ්මැරීනය මුහුදු මට්ටමේ සිට මීටර් 800කට වඩා ගැඹුරේ පවතින බව සඳහන් වෙයි.

ආර්ජන්ටියානු හමුදාව විසින් කොන්ත්‍රාත් පදනම මත සේවය ලබාගෙන ඇති ඇමෙරිකා එක්සත් ජනපදයේ ඕෂන් ඉන්ෆිනිටි නම් යාත්‍රාව මගින් සබ්මැරීනය මෙලෙස සොයා ගෙන තිබේ. අධික සීතලකින් යුතු මීටර් 907ක් ගැඹුරු මුහුදේ එය පවතින බව එහිදී නිල වශයෙන් නිවේදනය කෙරී ඇත.

මෙම ප්‍රවෘත්තිය සැලවීමත් සමගම එම සබ්මැරීනයේ රැඳී සිටි නාවිකයන්ගේ ඥාතීන් දැඩි ශෝකයට පත්වුණු බව මාධ්‍ය සඳහන් කරයි. ඊට පෙර දිනයේදී (15දා) මෙම ඥාතීන් එරට මාර් ඩෙල් ප්ලාටා හමුදා කඳවුරට රැස්ව සිය ආදරණීයන් සිහිකරමින් උත්සවයක් පවත්වා ඇතැයිද වාර්තා පවසයි.

2017 නොවැම්බර් 15 වැනිදා මෙම සබ්මැරීනය අත්ලාන්තික් සාගරයේදී අතුරුදන්විය. ඒ සම්බන්ධයෙන් බොහෝ කාරණා මතු වූ අතර, එක් වාර්තාවකට අනුව යාත්‍රාව අතුරුදන්වන මොහොතේදී එහි කපිතාන්වරයා විදුලිය ලුහුවත්වීමත් සම්බන්ධයෙන් දැන්වූ බවත්, එහි බැටරි කොටසට ජලය පැමිණීමක් පැවසූ බවටත් සඳහන්ව තිබුණි.(wmdjbm)

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...