ස්ථාන

ලංකාතිලක රජමහා විහාරය

2018 නොවැම්බර් 27 වැනි අඟහරුවාදා - 139  

උඩුනුවර හියරාපිටිය නම් ගමේ පැන්හැල්ල නම් පර්වතයේ මෙම පුදබිම පිහිටා ඇත. මහනුවර- කොළඹ ප්‍රධාන මාර්ගයේ පිළිමතලාව පසු කොට මීටර් 50 ක් පමණ ගොස් මාර්ගයට දකුණුපසින් පිහිටි දවුලගල මාර්ගයේ සැතපුම් 4 ක් පමණ ගිය විට හමුවන මංසන්ධියෙන් දකුණට දිවෙන මාර්ගයේ ගිය විට මෙම ස්ථානය හමු වෙයි. ලංකාතිලක විහාරය ආශ්‍රිතව මෙම විහාරය ගොඩනැගුණු ආකාරය පිළිබඳ තොරතුරැ ඇතුළත් ශිලාලේඛන දෙකක් දක්නට ලැබෙයි. 
ඒවායින් පර්වත ලිපියේ ගම්පල හතරවන බුවනකබාහු  රජතුමාගේ රාජ්‍ය සමයේ මෙම විහාරයේ නේත්‍ර ප්‍රතිෂ්ඨාපනය සිදු වූ බව සඳහන් වෙයි. එමෙන්ම තුන්වන පරාක්‍රමබාහු රජුට අයත් ද්‍රවිඩ සෙල්ලිපියේ සේනාධිලංකාර නම් සෙනෙවියා විසින් ස්ථපතිරායර නම් වාස්තුවිද්‍යාඥයා ලවා මේ විහාරය කරවන ලද බව සඳහන් කරයි. 

විහාරයේ තතු
රමණීය පරිසරයක පිහිටා ඇති ලංකාතිලක රජ මහා විහාරය නෙත් සිත් වශීකිරීමට සමත් කලා නිර්මාණයකි. සිව්මහල් ගොඩනැගිල්ලක් වූ ලංකාතිලක විහාරයේ වර්තමානයේ දක්නට ලැබෙන්නේ මහල් දෙකක් පමණි. වරින් වර ප්‍රතිසංස්කරණ වලට භාජනය වී ඇති බව පෙනී යයි. දකුණු ඉන්දීය ගෘහ නිර්මාණ ශිල්පය මුසු කර ගනිමින් දේශීය සම්ප්‍රදායකට අනුව නිර්මාණය කරන ලද්දක් බව මහාචාර්ය නන්දසේන මුදියන්සේගේ මතයයි. විහාරය හේවිසි මණ්ඩපය, අන්තරාලය, ගර්භ ගෘහය යන අංගයන්ගෙන් සමන්විතය. මෙය අඩිතාලම හැරැණු විට සම්පූර්ණයෙන් ගඩොලින් ඉදි කරන ලද්දක් වේ. 
ප්‍රතිමා ගෘහය
ප්‍රතිමා ගෘහය වටා සතර දිශාවෙන් උපුල්වන්, විභීෂණ, ස්කන්ධ, ගනේෂ යන දෙවිවරැන්ගේ රෑප දක්නට ලැබෙයි. එම ස්ථානයන්ට පිවීසීම සඳහා දොරටු සතරකි. විහාර ගෙය අභ්‍යන්තරයේ මහනුවර යුගයට අයත් සිතුවම් දක්නට ලැබෙයි. සූවිසි විවිරණය, පිරිනිවන් මංචකය වැනි තේමා ඔස්සේ සිතුවම් ඇඳ ඇත. 
විහාර භූමියේ ඇති වාහල්කඩ දෙපසින් ගල්කණු 16 ක් මත විශාල බාල්ක යොදා ඉදිකර පෙතිඋළු සෙවිලි කරන ලද්දකි. 2007 වර්ෂයේ ලංකාතිලක විහාරයේ වාහල්කඩ පුරාවිද්‍යා දෙපාර්තමේන්තුව විසින් ප්‍රතිසංස්කරණය කරන ලදි. 1949.12.16 දිනැති අංක 10054 දරණ අංකය යටතේ  පුරාවිද්‍යා දෙපාර්තමේන්තුව විසින් මෙය ආරක්ෂිත ස්මාරකයක් වශයෙන් ප්‍රකාශයට පත් කර ඇත.

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...