ස්ථාන

දොරවක ඇතා බැඳි ලෙන

2018 දෙසැම්බර් 03 වැනි සඳුදා - 265  

කෑගල්ල දිස්ත්‍රික්කයේ වරකාපොළ ප්‍රාදේශීය ලේකම් කොට්ඨාසයට ලෙන අයත් වේ. පාරිසරික වශයෙන් ගත් කළ පහතරට තෙත් කලාපයේ පිහිටා ඇත. වරකාපොළ සිට අඟුරැවැල්ල මාර්ගයේ සැතපුම් තුනක් පමණ ගිය විට තල්ලියද්ද හන්දියෙන් හැරී සැතපුම් එක හමාරක් දුර ගොස් ගනේගමින් දකුණට හැරී මාදෙණිය මාර්ගයේ සැතපුමක් පමණ ගිය විට ලෙනට ළඟාවීමට පුළුවන. 
පසින් වැසී ගිය කන්දක්
මෙම ලෙන මුලින්ම පරීක්ෂාවට ලක් කරන ලද්දේ 1917 වර්ෂයේ දී ජී. එෆ් . ආර් බ්‍රවුනින්ග් මහතායි. නැවත 1953 වර්ෂයේ දී පී. ඊ. පී දැරණියගල මහතා විසින් පරීක්ෂා කොට ඇත. ලෙනෙහි උස අඩි 55 කි. ඇතුළත දිග අඩි 82 කි. පළල අඩි 14 කි. අති විශාල ගල් තල දෙකක් මුදුනින් එකට හේත්තු වීම නිසා මෙම ලෙන නිර්මාණය වී ඇත. දුරාතියේදී මෙම ස්ථානය පසින් වැසී ගිය කන්දක් ලෙසින් පැවත ඇත. නමුත් නිරන්තරයෙන් ඇද හැළුණු  වර්ෂාවෙන් පස් සේදී යාම නිසා මෙම ගල් ලෙන සහිත කඳු මුදුන නිර්මාණය වී ඇත. 
පැරණි ජනාවාසයක්
ලෙනෙහි පැරණිම ජනාවාස පිහිටියේ එහි වත්මන් පොළොව මතුපිට සිට අඩි විස්සක් පමණ ගැඹුරැ මට්ටමෙහි බව හඳුනාගෙන ඇත. කැණීම් කිරීමේදී ප්‍රධාන පස් තට්ටු දොළහක් හඳුනාගෙන ඇත. ගැඹුරින්ම පිහිටි ජනාවාස ස්ථරයේ තිබී අඟුරැ, ශිලා මෙවලම් හා කැකුණ ඇට ද ලැබී ඇත. දෙවන පස් තට්ටුවේ සිට ඉහළට මෙම ද්‍රව්‍යයන් බහුල වශයෙන් තිබී ඇත. වඩා වැදගත් වන්නේ මැටි බඳුන්වල කුඩා කොටස් ශිලා මෙවලම් සමග හමු වීමයි. තෙවන පස් තට්ටුවේ එම ද්‍රව්‍ය තවදුරටත් බහුල වශයෙන් තිබී හමු වී ඇත. මෙම ස්ථරයේ සිට ඉහළ ස්තරයන්හි මැටි බඳුන් කැබලි, ශිලා මෙවලම්, ධාන්‍ය ඇට, අඟුරැ, ගල් පතුරැ යනාදිය බෙහෙවින්ම ලැබී ඇත. මෙයින් පැහැදිලි වන්නේ මෙම ගල්ලෙන ප්‍රාග් මානව ජනාවාසයක්ව පැවති බවයි. 
මෙසෝලිතික අවධිය නියෝජනය කරයි
කාල නිර්ණයට අනුව තෙවෙනි හා දෙවෙනි පස් ස්තර අඩුම තරමින් ක්‍රි. පූ 2000 තරම් ඈතට දිව යයි. පළමුවන පස් ස්තරය ක්‍රි. පූ 4000 පමණ කාලයට අයත් වේ. 
මෙම ලෙනෙන් ලැබෙන සාධක මේ අනුව මධ්‍ය ශිලා යුගයටත් නව ශිලා යුගයටත් අතර මැදි අවධියකට අයත් වන බව පැහැදිලිය. මෙම කරැණු අනුව අනුමාන කළ හැක්කේ දොරවක ඇතා බැඳි ලෙනෙහි සාධක නව ශිලා යුගයේ නියෝජනයක් නොව පශ්චාත් මධ්‍ය ශිලා යුගය හෙවත් මෙසෝලිතික අවධිය නියෝජනය කරන බවයි.


උපේක්ෂා මුණවීර
ඡායාරෑප - රැෂිරැ තරංග
ස්තූතිය - පුරාවිද්‍යා දෙපාර්තමේන්තුවේ ගවේෂණ නිලධාරී ටී. එම්. සී බණ්ඩාර මහතාට. 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...