ස්ථාන

රාජාංගනේ හත්ථිකුච්චි විහාරය

2018 දෙසැම්බර් 03 වැනි සඳුදා - 77  


ගිරිබාව ප්‍රාදේශීය ලේකම් කොට්ඨාසයේ මයිලෑව ග්‍රාම නිලධාරී වසමේ හත්තිකුච්චි විහාරය පිහිටා ඇත. කුරැණෑගල අනුරාධපුර පාරේ 43 වැනි සැතපුම් කණුව අසලින් වූ බටහිර පාරේ සැතපුම් තුනක් පමණ ගිය විට මෙම විහාරස්ථානය හමු වේ. මෙම භූමියේ අක්කර 300 ක් පමණ වූ ප්‍රදේශයක පුරාවිද්‍යාත්මක සාධක විසිරී පවතී. සිරිසඟ බෝ රජු හිස දන් දුන් ස්ථානය හත්ථිකුච්චි යැයි අදහසක් පවතී. මේ බව මහාවංශ ටීකාවේද සඳහන් වෙයි. අත්තනගල්ල ප්‍රදේශයේදී සිරිසඟබෝ රජතුමා හිස දන් දුන් බවටද අදහසක් පවතී. 
ලෙන් ලිපි
ක්‍රි. පූ 3 වන සියවසේ සිට ක්‍රි. ව 10 වන සියවස දක්වා වූ කාලය දක්වා හත්ථිකුච්චි විහාරය අඛණ්ඩව පැවති බවට සාධක ඇත. මෙහි පිහිටි ලෙන් වල ක්‍රි. පූ යුගයට අයත් ලෙන් ලිපි ගණනාවක් හමු වී ඇත. විහාරභූමිය තුළ ඇති සලාක පිළිබඳව හැඳින්වෙන ලිපි පර්වතයේ කොටා ඇත. ක්‍රි. ව දෙවැනි සියවසට අයත් ලිපියක මෙම විහාරය අතිතු(චි)  විහාරය යැයි හඳුන්වා ඇත. ක්‍රි. ව 9 වන සියවස දක්වා කාලයට අයත් ලිපි මෙම ස්ථානයෙන් හමු වී ඇත. 
වටදාගෙයක්
පළවන අග්ගබෝධි රජු මෙම භූමියේ ප්‍රාසාදයක් නිර්මාණය කොට ඇත. නව වන අග්ගබෝධි රජු මෙහි පැවති ප්‍රාසාදයක් සංරක්ෂණය කොට ඇත.  හත්ථිකුච්චි පුරාවිද්‍යාත්මක ස්ථානයේ පොහොය ගෙය, බුදු මැදුර, තෙමහල් ධාතු මන්දිරය, චෛත්‍ය ඕවලාකාර හැඩයෙන් යුත් ශාලාවක නටඹුන් හා උස් මාලකයක් මත කරවන ලද වටදාගෙයක් දක්නට ලැබේ. මෙම වටදාගෙය සහිත වේදිකාවට සිව් දිශාවකින් පිවිසිය හැකි ආකාරයට ප්‍රවේශ හතරකි. චෛත්‍යය වටා දැනට ශෛලමය කුලුනු කොටස් සලපතල මළුවෙහි ඇත. මෙම කුළුණු, වටදා ගේ ඉදිකිරීමට භාවිත කළ ඒවාය.


උපේක්ෂා මුණවීර
ඡායාරෑප - අනූෂ නානායක්කාර
තොරතුරැ - ටී. එම්. සී බණ්ඩාර මහතා
පුරාවිද්‍යා දෙපාර්තමේන්තුවේ ගවේෂණ නිලධාරී 
 

 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...