ස්ථාන

පොලොන්නරැ වටදාගෙය

2018 දෙසැම්බර් 06 වැනි බ්‍රහස්පතින්දා - 196  

වටකුරැ ධාතු ගෙය වටදාගෙන යනුවෙන් හැඳින්වේ. අතීතයේ මෙම වෘත්තාකාර ධාතු ගෘහය මධ්‍යයේ ස්තූපයක් සාදා සර්වඥ ධාතු නිධන් කර තිබීම නිසා මෙලෙස හඳුන්වයි. වටදාගෙය සාදන්නේ කුඩා ස්තූප සඳහා පමණි. ඒ ස්තූපයේ ආරක්ෂාවටය.
දළදා මැදුරක්
පළමුවන විජයබාහු රජතුමාට පසු ලක්දිව එක්සේසත් කළේ පළමුවන පරාක්‍රමබාහු රජුයි. දළදා පූජාවලියේ සඳහන් අන්දමට පරාක්‍රමබාහු රජු සුගලා දේවිය භාරයේ තිබූ දළදාව සියතට ගෙන පොලොන්නරැව නගරයේ එතුමන්ගේ රජමාලිගය ආසන්නයේම දළදා මැදුරක් ඉදිකොට තිබේ. සෙනරත් පරණවිතාන මහතාගේ මතයට අනුව අද පොලොන්නරැ පුජා භූමියේ දක්නට ඇති මෙම වටදාගෙය එම දළදා මාලිගාව වටකොට සාදන ලද්දකි.
සඳකඩපහණ
පොලොන්නරැ වටදාගෙය ප්‍රධාන වේදිකා දෙකකින් යුක්තය. පහළ මාලයේ විෂ්කම්භය අඩි 120කි. පොළොවේ සිට අඩි 4 අඟල් 6 ක් උසය. පහළ වේදිකාවට ගොඩවීමට පියගැටපෙළ ඇත්තේ උතුරැ දෙසිනි. පියගැට පාමුල ඇති සඳකඩපහණ විශේෂත්වයක් ගනී. එනම් පොලොන්නරැ යුගයෙන් හමු වන හොඳම සඳකඩපහණ මෙයයි. මෙහි අශ්ව රෑප 12කි. හංස රෑප 30කි. සත් පොළකින් වක ගැසුණු ලියවැල් පෙති නවයකි. මධ්‍යයේ සුපිපි නෙළුමකි. අශ්ව රෑප 14 කි. අල්ප උන්නත ශිල්ප ක්‍රමයට අනුව කැටයම් කර ඇත. පොලොන්නරැ යුගයේදී හින්දු බලපෑම නිසා සඳකඩපහණෙන් ගවයා ඉවත් විය.
ශෛලමය ප්‍රාකාරය
පහළ වේදිකාවේ සිට ස්තූපය පිහිටි ඉහළ වේදිකාවට ගොඩවීමට සිව් දිසාවෙන්ම පිටගැටපෙළ සතරකි. වේදිකාව වටා ශෛලමය ගල් ගරාදි වැටකි. ගල් වැටේ පිටත  මල් මෝස්තරවලින් අලංකාර කර ඇත‍. ගරාදි වැටේ තැන් තැන් වලින් ඉහළ නැඟි ගල් ස්තම්භ කිහියපකි. ගල් වැටෙහි පිටතින් බොරදම් තීරැ කිහිපයකි. 
එම තීරැවල සිංහ රෑප, වාමන රෑප කැටයමට නඟා ඇත. ගල් වැටෙහි  නැගෙනහිර දිසාවේ පියගැටපෙළට සම්බන්ධ කර තිබෙන මුරගල පොලොන්නරැවෙන් හමු වන ‍හොඳම මුරගල ලෙස සැලකෙයි. ගල් ගරාදි වැට ඇතුළතින් ගඩොලින් ආවරණයකි. වර්තමානය වන විට ඉතිරිව පවතින්නේ මෙම ගොඩනැගිල්ලේ බිත්ති කිහිපයක් පමණි. මෙම ගඩොල් ගොඩනැගිල්ල මධ්‍යයේ ඇත්තේ ගඩොලින්ම තැනූ කුඩා ස්තූපයකි. 

බුද්ධ ප්‍රතිමා 
ස්තූපය සතර පැත්තේ සතර දිසාවට මුහුණලා හිඳි බුද්ධ ප්‍රතිමා සතරකි. එය ශෛලමය ආසනයක් මත වැඩ හිඳින ආකාරයෙන් නිමවා ඇත. ප්‍රතිමාවල සිවුරැ රුලි වලින්ත තොරය. හිස මුඩු කොට ඇත. මෙම ලක්ෂණ හා සැසඳමේදී මෙම ප්‍රතිමා පොලොන්නරැ යුගයේ නිර්මිත ප්‍රතිමා වලින් වෙනස් මඟක් ගෙන ඇති බව පෙනේ. පොලොන්නරැ යුගයේ නිර්මිත ප්‍රතිමා වල සිවුරේ දැකිය හැක්කේ ද්විත්ව රුලි රටාවකි. මෙවැනි ලක්ෂණ නිසා මෙම ප්‍රතිමා මීට පෙර යුගයකදී නිර්මාණය වන්නට ඇතැයි ඇතැමුන්ගේ විශ්වාසයයි. ඉතා සිත්ගන්නාසුලු කැටයමින් හෙබි පොලොන්නරැ වටදාගෙය පොලොන්නරැ ගල් වඩුවාගේ ශිල්පීය ඥානය විදහා දක්වන්නකි.  

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...