පාසල් පුවත්

මධ්‍යම පළාත් අන්තර් අධ්‍යාපන කලාපීය පාසල් මලල ක්‍රීඩා තරගාවලිය වලල ඒ රත්නායක විදුහලට බාලක බාලිකා ද්විත්ව ශූරතා

2019 ජනවාරි 15 වැනි අඟහරුවාදා - 57  

2018 මධ්‍යම පළාත් අන්තර් අධ්‍යාපන කලාපීය පාසල් මලල ක්‍රීඩා තරගාවලියේ දී මෙවරද වසරේ සමස්ත බාලක සහ බාලිකා මලල ක්‍රීඩා ශුරතා ද්විත්වයම දිනා ගැනීමට වලල ඒ. රත්නායක මධ්‍ය මහා විදුහල සමත්විය.
මධ්‍යම පළාතේ අධ්‍යාපන කලාප 15 නියෝජනය කරමින් ක්‍රීඩක ක්‍රීඩිකාවන් හාරදහසක පමණ සහභාගීත්වයෙන් මෙම තරගාවලිය  මහනුවර බෝගම්බර ක්‍රීඩාංගණයේදී පැවැත්වුණි. මධ්‍යම පළාත් අධ්‍යාපන අධ්‍යක්ෂ තිලක් ඒකනායක මහතාගේ උපදෙස් මත පළාත් සහකාර අධ්‍යාපන අධ්‍යක්ෂ (ක්‍රීඩා) අතුල ජයවර්ධන මහතා විසින් මෙම තරග සංවිධානය කරන ලදී. 
මෙවර සමස්ත ක්‍රීඩා ශුරතාව ලකුණු 1093 ලැබු මහනුවර අධ්‍යාපන කලාපයටද, අනුශුරතාව ලකුණු 786 ලැබු වත්තේගම අධ්‍යාපන කලාපයටද. තෙවැනි ස්ථානය ලකුණු 222ක් ලැබු හැටන් අධ්‍යාපන කලාපයටද හිමිවිය.  මෙවර මධ්‍යම පළාතේ දක්ෂතම මලල ක්‍රීඩකයා ලෙස වයස අවු. 20න් පහළ මීටර් 400 තත්.49.9 නිම කරමින් දක්ෂතා දැක්වූ වලල ඒ රත්නායක ම.ම.වි සෙනිර ගුණරත්න සහ දක්ෂතම මලල ක්‍රීඩිකාව ලෙස වයස අවු. 20න් පහළ මීටර් 200 තත්. 26.10 නිම කරමින් දක්ෂතා දැක්වු මහනුවර විහාරමහාදේවි බාලිකා විදුහලේ පාතිමා ශෆියා යමික් සම්මාන ලැබුහ. 
 මෙම තරගාවලියේදී නව තරග වාර්තා 42ක් පිහිටුවමින් දක්ෂතා දැක්වීමට ක්‍රීඩක ක්‍රීඩිකාවෝ සමත්වූහ. මෙහිදි සහාය බාලක ශුරතාව මහනුවර ත්‍රිත්ව විදුහලටද, බාලිකා ශුරතාව වලල ඒ රත්නායක ම.ම.විදුහලටද  හිමිවිය. කනිෂ්ඨ බාලක ශුරතාව මහනුවර ත්‍රිත්ව විදුහල සහ බාලිකා ශුරතාව අඹගමුව ම.ම.වි දිනාගත් අතර, ජ්‍යෙෂ්ඨ බාලක හා බාලිකා  ශුරතා ද්විත්වයම වලල ඒ රත්නායක ම.ම.විදුහලට හිමිවිය. 


(මාතලේ විශේෂ මහේෂ් කිර්තිරත්න)
 

මෙවර තරගාවලියේ වයස් සීමා ශුරතා දිනාගත් ක්‍රීඩක ක්‍රීඩිකාවෝ මෙසේයි.
• වයස අවු 12න් පහළ බාලිකා (ජවන) මීටර් 100 - තත්.15.50 ජී.කේ. කසුනි, අඹගමුව ම.ම.වි (පිටිය) දුර - මීටර් 3.98 (නව තරග වාර්තාවකි) එන්.එස්.අංජලිකා, විදුලිපුර ම.වි
• වයස අවු 12න් පහළ බාලක (ජවන) මීටර් 100 - තත්. 14.4, ආර්.ජී.එම්.ටි. විජේතුංග, හොම්බාව ම.වි, (පිටිය) දුර - මීටර් 4.36 (නව තරග වාර්තාවක) එම්.ඒ.ඒ. ශාන්, මහනුවර ත්‍රිත්ව විදුහල.
• වයස අවු. 14න් පහළ බාලිකා (ජවන) මීටර් 100 - තත්. 13.8 (නව තරග වාර්තාවකි) එම්.එස්.ශාලුකි විහංගා, මාතලේ විජය ජාතික පාසල, (පිටිය) දුර - මීටර් 4.75 (නව තරග වාර්තාවකි) පී.ඒ.එස්.නිම්සරා, අඹගමුව.ම.ම.වි 
• වයස අවු 14න් පහළ බාලක (ජවන) මීටර් 100 - තත් 13.1 ඩබ්.එම්.එස්.ආර්.බී. චන්ද්‍රසේකර, මහනුවර ත්‍රිත්ව විදුහල, (පිටිය) යගුලිය - මීටර් 11.68 (නව තරග වාර්තාවකි) ආර්.එම්.එන්.ඩී.බී. රත්නායක, වලල ඒ. රත්නායක ම.ම.වි
• වයස අවු, 16න් පහළ බාලිකා (ජවන) මීටර් 400 - වි.1.තත් 1.17 එච්.ඒ.ඒ.පී.හෙට්ටිආරච්චි, මහනුවර විහාරමහාදේවි බා.වි (පිටිය) දුර - මීටර් 4.82 කේ එම්.පී. සෙව්වන්දි, මහනුවර ආදර්ශ විදුහල
• වයස අවු 16න් පහළ බාලක (ජවන) මීටර් 200 - තත් 23.4 (නව තරග වාර්තාවකි) එල්.එල්.මොරගොඩ, මහනුවර ත්‍රිත්ව විදුහල, (පිටිය) යගුලිය - මීටර් 14.35 (නව තරග වාර්තාවකි) එම්.ඩි.එම්.එස්.ඩි. දිසානායක, මහනුවර ත්‍රිත්ව විදුහල
• වයස අවු. 18න් පහළ බාලිකා (ජවන) මීටර් 400 - වි.1 තත් 0.34 එස්.ඒ.කේ. තත්සරණි, අඹගමුව ම.වි. (පිටිය) දුර - මිටර් 5.14 කේ.එච්.ඒ.ඩි. කෞෂල්‍යා, ගම්පොළ වික්‍රමබාහු ජා.පා.
• වයස අවු, 18න් පහළ බාලක (ජවන) මීටර් 110 කඩුළු - තත්. 14.9 ඒ.ජි.අනුරැද්ධ ශ්‍රීමාල්, (නව තරග වාර්තාවකි) මහනුවර බෙරවට්ස් විදුහල, (පිටිය) තුන්පිම්ම - මීටර් 13.55 (නව තරග වාර්තාවකි) පී.යම්ප්ලබ්, මහනුවර ගේට්වේ ජාත්‍යන්තර පාසල.
• වයස අවු. 20න් පහළ බාලිකා (ජවන) මීටර් 200 -  තත්.26.10 පාතිමා ශෆියා යමික්, මහනුවර විහාරමහාදේවි බා.වි (පිටිය) තුන්පිම්ම - මීටර් 10.03, කේ.ජී.කේ.පි. විජේරත්න, මහනුවර මහාමායා බා.වි. 
• වයස අවු. 20න් පහළ බාලක (ජවන) මීටර් 400 -  තත්. 49.9 සෙනිර ගුණරත්න, වලල ඒ රත්නායක ම.ම.වි (පිටිය) දුර - මීටර් 6.50 (නව තරග වාර්තාවකි) තාරක බණ්ඩාර සමරකෝන්, මාතලේ සාන්ත තෝමස් ජාතික පාසල

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...