පාසල් පුවත්

සිංහල භාෂාව නිවැරුදි ලෙස හසුරැවන්න, පාවිච්චි කරන්න හොඳ අවබෝධයක් තියෙන්න ඕනෑ - රැහුණු විශ්වවිද්‍යාලයේ සිංහල අංශයේ ජ්‍යෙෂ්ඨ කථිකාචාර්ය මෙරකන්දේගොඩ ආරියවංශ නාහිමි

2019 මාර්තු 12 වැනි අඟහරුවාදා - 31  

ගාල්ල මහින්ද විද්‍යාලයේ සිංහල භාෂා දින උත්සවය  රැහුණු විශ්වවිද්‍යාලයේ   සිංහල අංශයේ ජ්‍යෙෂ්ඨ  කථිකාචාර්ය මෙරකන්දේගොඩ  ආරියවංශ නාහිමියන්ගේ ප්‍රධානත්වයෙන්  එම විද්‍යාලයේ ඕල්කට් ශාලාවේදි පැවැත්වුණි. විද්‍යාලයේ සිංහල අංශය මගින් මෙකී උත්සවය සංවිධානය කොට තිබුණි. සමස්ත ලංකා තරගවලින් ජයගත්   මිහිඳු පුතුන්ගේ  පද්‍ය ගායනා, කථික  නැටුම් ගැයුම් සහ සංස්කෘතික අංගවලින් උත්සවය වර්ණවත්වී තිබුණි.
 සිංහල භාෂා දින උත්සවයේ ප්‍රධාන දේශනය  පවත්වමින් රැහුණු විශ්වවිද්‍යාලයේ සිංහල අංශයේ ජ්‍යෙෂ්ඨ  කථිකාචාර්ය මෙරකන්දේගොඩ  ආරියවංශ නාහිමියෝ මෙසේ පැවසූහ.
  සිංහල භාෂාව අපූරැ භාෂාවක්. ඒ භාෂාව ප්‍රකෘති විදියට කතා කරන්නත් පුළුවන් අනික් විදියටත් කතා කරන්නත් පුළුවන්.  වචන අනික්  පැත්තට හරවලා කතා කරන්නත් පුළුවන්  සාමාන්‍ය විදියට කතා කරන්නත් පුළුවන් . මේ වගේ  ලෝකයේ වෙනස් භාෂාවක් නැහැ.. අපේ  භාෂාව මහින්දාගමනයට  පෙරාතුව  විජයාගමනයත් සමග  ආරම්භ වෙනවා.  භාෂාවත් සමග සංස්කෘතියක් හැදෙනවා. වචන මාලාව වෙනස් වෙනවා.   සිංහල භාෂාව මැනවින් දැනගෙන පාවිච්චි  කළ යුතුයි. පසුගිය දිනක පැවති උත්සවයකදී එහි සිටි එෆ්. එම් නිවේදකයෙක්  සියලු  මහා සංඝරත්නය අසුන්වල සැතපෙන මෙන් ආරාධනා කරනවා  කියලා කිව්වා.  ඔහු තුළ භාෂාව පිළිබද පැවති  අනවබෝධය නිසා තමයි   එහෙම වුණේ.   ඒ නිසා භාෂාව නිවැරදි ලෙස හසුරැවන්න පාවිච්චි කරන්න  අවබෝධයක් තියෙන්න ඕනෑ.
  භාෂාව  හා සාහිත්‍ය සම්බන්ධයෙන් දකුණට රෝහණයට අපිට තියෙන ලකුණ මොකක්ද? මහින්දයට තියෙන ලකුණ කුමක්ද?  රටේ තිබෙන  ප්‍රධාන පාසල් අතුරින් වසර  125ක් සපිරැණු  පාසල් කිහිපය අතර මහින්ද විද්‍යාලයට අභිමානයක් තියෙනවා.  රෝහණයට  තියෙන අභිමානය කුමක්ද ?තොටගමුවේ රාහුල හිමියන් දකුණේ කෙනෙක්.  බාරස කාව්‍ය ලියපු  ධම්මාලංකාර හාමුදුරැවන් කවි 03ක් ලියූවිට  කවි 12ක් කියවන්න පුළුවන්.   ගජමන් නෝනා, රංචාගොඩ ළමයා , එදිරිවිර සරච්චන්ද්‍ර හික්කඩුවේ සුමංගල හිමි, පරණවිතාන,   ගුණදාස අමරසේකර  සිංහල භාෂාව සාහිත්‍ය වෙනුවෙන් සුවිශේෂි වූ කාර්යභාරයක් කළා.
මහින්ද විද්‍යාලයේ විදුහල්පති ගාමිණි ජයවර්ධන  මහතා  උත්සව සභාව අමතමින් මෙසේ කීවේය.
හැම කෙනෙකුගේම ජිවිතය දියුණුකරගැනීම සඳහා ඉදිරියට ගෙනආයුතු සුවිශේෂ අවිය  සාහිත්‍යයයි. හෙළ සාහිත්‍ය නංවාලීමට දැවැන්ත කැපවීමකින් අධ්‍යාපන කටයුතු කරන්න. ගීතයක් ලියලා, කවියක් ලියලා, කෙටි කතාවක් ලියලා හිත සතුටු කරගන්න දරැවනේ. එහෙම වූ විට කවදා හරි දවසක හිතේ වේදනාවක්,දුකක් ,සතුටක් ආවිට එය ගීතයකට, කෙටි කතාවකට පෙරළන්න පුළුවන්.  සාහිත්‍ය ජීවිතය පෝෂණය කරන්න  යොදාගන්න.  ලංකාවේ සාහිත්‍යයේ  හැම ගුණාංගයක්ම ඉදිරියට ගෙනාවේ මහා සංඝරත්නය බවද විදුහල්පතිවරයා පැවසීය.
මහින්ද ව්ද්‍යාලයේ පාසල් සංවර්ධන සමිතියේ ලේකම්  සනත් විජේරත්න නියෝජ්‍ය විදුහල්පති කුලරත්න යන මහත්වරැද උත්සව සභාව ඇමතුහ. මෙම අවස්ථාවට ප්‍රාථමික අංශයේ විදුහල්පති සන්ධ්‍යා රේණුකා, දකුණු පළාත් සිංහල භාෂාව විෂය භාෂා අධ්‍යක්ෂක  ඩබ්ලිව්. ඩී.  කීර්ති,  කලාප සිංහල විෂය භාෂා අධ්‍යක්ෂිකා   රසිකා  පතිරණවසම් , පාසල් සංවර්ධන සමිතියේ හිටපු ලේකම් රජුල ජයසේකර යන මහත්ම මහත්මීහු ඇතුළු පිරිසක් එක්ව සිටියහ.

(යක්කලමුල්ල විශේෂ ජේ.කේ.එල් චාමින්ද)

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...