පුවත්

මැලේසියාව හොට් ඩෝග් වචනය තහනම් කරයි!

2016 ඔක්තෝබර් 22 වැනි සෙනසුරාදා - 78  

මැලේසියාවේ ආපනශාලා තුළ අලෙවි කරන සුප්‍රසිද්ධ හොඩ් ඩෝග් යන ආහාරයේ නම වෙනස් කරන ලෙස එරට ඉස්ලාමීය සංවර්ධන දෙපාර්තමේන්තුව ඉල්ලීමක් ඉදිරිපත් කර ඇතැයි වාර්තා වෙයි. එරට ආගමික පරිපාලන අංශය ලෙසින්ද සැලකෙන මෙම දෙපාර්තමේන්තුව පවසන ආකාරයට, මැලේසියාවට පැමිණෙන විදේශීය මුස්ලිම් සංචාරකයන්ගේ ඉල්ලීමකට අනුව මෙම පියවර ගෙන තිබේ.

විශේෂයෙන්ම එරට තුළ මෙම ආහාරය සඳහා හලාල් සහතිකය නිකුත් කිරීමේදීද එය ගැටලුවක් බවට පත්ව ඇතැයි සඳහන් වෙයි. එම දෙපාර්තමේන්තුවේ අධ්‍යක්ෂ සිරාජුදීන් සුහායිමී සඳහන් කරන ආකාරයට මෙම නම හේතුවෙන් එම සංචාරකයන් බොහෝ දෙනා අපහසුතාවයට පත්වන බවත්, ඉස්ලාම් ආගමට අනුව %ඩෝග්^ හෙවත් සුනඛයා යන්න ආහාරයක් සඳහා යොදා ගැනීම නොගැළපෙන්නක් බවත් ඔහු පෙන්වා දී තිබේ.

&ඉස්ලාම් ආගමේ සඳහන් වෙන විදියට සුනඛයා එහෙමත් නැත්නම් බල්ලා කියන්නේ පිරිසිදුකමක් නැති සතෙක්. ඒ නිසා මේ නම හලාල් සහතික නිකුත් කිරීමේදීවත් යොදා ගන්න බැහැ.* අධ්‍යක්වරයා වැඩිදුරටත් සඳහන් කරයි.

මේ අතරම මැලේසියානු හලාල් ආහාර නීතිය පවසන ආකාරයට, හලාල් ආහාර හෝ හලාල් කෘත්‍රිම රසකාරක කිසිදු ලෙසකින්වත් හලාල් නොවන ආහාර හා ගලපමින් නම් නොකළ යුතුව තිබේ. එහිදී උදාහරණ ලෙස හැම්, බේකන්, යනාදී වචන පෙන්වා දෙන ඔවුන් ඒ හරහා අර්බුද මතු වන බවත් සඳහන් කරයි. ඒ අනුව හොට්ඩෝග් යන්නෙහි ඩෝග් වෙනුවට සොසේජස් යන්න යොදා ගැනීම සුදුසු බව සිරාජුදීන් සුහායිමී පවසා සිටියි.

කෙසේ වෙතත් ඉස්ලාමීය සංවර්ධන දෙපාර්තමේන්තුවේ මෙම තීරණය හෙළා දකින මැලේසියානු සංචාරක සහ සංස්කෘතික කටයුතු අමාත්‍ය නසිර් අසීස් මෙය මෝඩ් සහ අමනෝඥ තීරණයක් බව ප්‍රකාශ කළේය.

&හොට් ඩෝග් කියන්නේ හොට් ඩෝග්වලට. මැලේසියාවේදී වුණත් අවුරුදු ගාණක් තිස්සේ ඒකට කියන්නේ හොට් ඩෝග් කියලයි.* අමාත්‍යවරයා සඳහන් කරයි. එසේම මේ වචනය සම්බන්ධයෙන් මැදිහත්වීම සඳහා මෙම ආගමික පරිපාලන අංශයට කිසිදු හේතුවක් නොමැති බවත් ඔහු වැඩිදුරටත් පෙන්වා දී තිබේ.

&හොට් ඩෝග් කියන වචනය ආවේ ඉංග්‍රීසි භාෂාවෙන්. කරුණාකරලා ලෝකයා හමුවේ මැලේසියාව මෝඩ වගේම බුද්ධිහීන පිරිසක් විදියට පෙන්වන්න එපා* ඔහු පවසයි.

මීට අමතරව මැලේසියාවේ හිටපු අගමැතිවරයෙකු වූ මහතීර් මොහොමඩ්ගේ දියණිය වන සමාජ ක්‍රියාකාරිනී මරීනා මහතීර්ද ඉස්ලාමිය සංවර්ධන දෙපාර්තමේන්තුවේ මෙම යෝජනාව දැඩි ලෙස විවේචනයට ලක් කළාය.

මේ අතරම අන්තර්ජාලය සහ සමාජජාල මාධ්‍ය ඔස්සේද මෙම තීරණය විවේචනය කරමින් විවිධ අදහස් පළ වූ අතර, එහි සඳහන් වූ එක් යෝජනාවකට අනුව මැලේසියාවේ සියලුම සුරතල් සතුන් අලෙවි කරන ස්ථාන සුනඛයන් යන්න සොසේජස් ලෙස වෙනස් කිරීම සුදුසු යැයිද පවසා තිබුණි.(WMDJBM)

දින පොත
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...
  • තාරකා විද්‍යාඥයෙක් වෙන්න මග කියන දුරේක්ෂයක් දිනා ගන්න Read more...