ස්ථාන

හෝර්ටන්තැන්න

2019 අප්‍රේල් 18 වැනි බ්‍රහස්පතින්දා - 641  

මේ එළඹී තිබෙන්නේ දෙසැම්බර් පාසල් නිවාඩු සමයයි. මේ නිවාඩු සමයේ චාරිකා කිරීමට සුදුසු ස්ථානයක් පිළිබඳවයි. ඒ හොර්ටන් තැන්නයි. 
ගමන් මඟ 
නුවරඑළිය - බදුල්ල මාර්ගය ඔස්සේ පට්ටිපොළ හෝ ඔහිය දුම්රිය ස්ථානයට ගොස් එතැන් පටන් කිලෝමීටර 14 ක් පමණ ගිය විට හෝර්ටන් තැන්න හමු වෙයි.  
ජාතික වනෝද්‍යානයක්
හෝර්ටන් තැන්න ජාතික වනෝද්‍යානයකි. ජාතික වනෝද්‍යානයක අරමුණ වන්නේ ජීවීන්ට සම්පූර්ණ ආරක්ෂාව සපයමින් හා පැමිණෙන්නන්ට ස්වාභාවික පරිසර පද්ධතිය ද නැරඹීමට හා අධ්‍යයන කිරීමට ඉඩ සැලැස්වීමයි. හෝර්ටන් තැන්න ඉහළ කඳුකර වර්ෂා වනාන්තරයක් වේ. එය ඉහළ කඳුකර තෙත් සදාහරිත වෘක්ෂලතා හා තෙත් පතන යන දෙවර්ගයේම සම්මිශ්‍රණයකි. ශ්‍රී ලංකාවේ සමස්ත වන භූමි ප්‍රමාණයෙන් වර්ග කිලෝමීටර 32 ක් හෝර්ටන් තැන්නට අයත් වේ. මෙම ජාතික වනෝද්‍යානය අනෙකුත් වනෝද්‍යාන මෙන්ම විවිධ භෞතික හා පාරිසරික අංගයන්ගෙන් යුක්ත වෙයි.ශ්‍රී ලංකාවේ තෙත් කලාපයේ පිහිටි එකම ජාතික වනෝද්‍යානය ද මෙයයි. 
පිහිටීම 
මධ්‍යම පළාතට අයත් නුවරඑළිය දිස්ත්‍රික්කයේ පිහිටා ඇත. එසේ වුවද සබරගමු පළාතට අයත් රත්නපුර දිස්ත්‍රික්කයටද ඌව පළාතට අයත් බදුල්ල දිස්ත්‍රික්කයටද මෙය මායිම් වේ. මුහුදු මට්ටමේ සිට අඩි 7000 ක් පමණ උසකින්  වනෝද්‍යානය පිහිටා ඇත.
ජනප්‍රවාද 
ජනප්‍රවාද වලට අනුව හෝර්ටන්තැන්නේ ඉතිහාසය ලංකාවේ රජකළ රාවණා රජුගේ රාජ්‍ය කාලය දක්වා ඈතකට දිව යයි. රාවණා රජු ඉන්දියාවේ සිට සීතා දේවිය පැහැරගෙන පැමිණි විට රජු ඔහුගේ දඬුමොනර යන්ත්‍රය නවතා ඇත්තේ මේ වනෝද්‍යානය ආශ්‍රිත කඳුගැටයක් මත බව ජනයාගේ විශ්වාසයයි. අද එම කඳු ගැටය එනමින් තොටුපොළ කන්ද ලෙස ව්‍යවහාර කරයි. රජු සීතා දේවිය සඟවා තැබූ සීතාඑළිය පිහිටා තිබෙන්නේද වනෝද්‍යානය ආශ්‍රිතවය.
පාරිසරික විවිධත්වය 
හෝර්ටන් තැන්න ජාතික වනෝද්‍යානය තුළ සොබා දහමින් නිර්මාණය වූ අංග රාශ්‍රියකි.රටේ ප්‍රධාන ගංගා කිහිපයකටම ජලය සපයන ප්‍රධාන ජල පෝෂක ප්‍රදේශයක් ලෙසද ප්‍රසිද්ධියක් උසුන්නේ හොර්ටන් තැන්නයි. යෝධ මීවන හා මහරත්මල් යන ශාක හෝර්ටන් තැන්නේ බහුලව දක්නට ලැබෙයි. තැන්නට ආව්ණික තෘණ විශේෂයන්ගෙන් යැපෙමින් දිවි ගෙවනා ගෝනුන්ද සුලබ දසුනකි. 

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...