පුවත්

මහ නගර සභා කසළ වෙන්කර බාරගැනීම නොවැ 01දා සිට

2016 ඔක්තෝබර් 22 වැනි සෙනසුරාදා - 56  

ලංකාවේ මහනගර සභා බලප්‍රදේශවල කසළ වෙන්කර බාරගැනීමේ වැඩසටහන නොවැම්බර් 01 වැනිදා සිට ක්‍රියාත්මක වන බව පළාත් සභා හා පළාත් පාලන අමාත්‍යාංශ ලේකම් කමල් පත්මසිරි මහතා පැවසීය.

නිවෙස් මට්ටමින් වෙන් කරන ලද කසළ එකතු කිරීම සඳහා පළාත් පාලන ආයතනවලට අවශ්‍ය සම්පත් ලබා දී තිබෙන බවත්, දිරන කසළ සහ නොදිරන කසළ වෙන් නොකර තිබේනම් භාර  නොගන්නැයි අදාළ ආයතනවලට  දන්වා තිබෙන බවත් ලේකම්වරයා පවසා සිටියේය.

ඒ පිළිබඳ පළාත් පාලන ආයතන මාර්ගයෙන්  මහජනතාව දැනුම්වත් කිරීමේ කටයුතු  මේවනවිට ආරම්භ කරන බවද ඒ මහතා ප්‍රකාශ කළේය.

මහජනතාව කසළ වෙන් කළ පසු පළාත් පාලන ආයතන විසින් ඒවා ගෙනයනු ලබන දිනවකවානු සම්බන්ධව ද එහිදී දැනුවත් කරන බවද ඔහු කීය.

මුල් අදියරේදී මහනගර සභාවල මෙම වැඩසටහන ක්‍රියාතාමක කරන බවත්, ඉන්පසුව අනෙකුත් සියලුම පළාත් පාලන ආයතනවල එය ක්‍රියාත්මක කරන බවත් පත්මසිරි මහතා සඳහන් කළේය.

තැන් තැන්වල කසළ දමන ආයතනවලට සහ පුද්ගලයන්ට විරුද්ධව නීතිය ක්‍රියාත්මක කරන්නැයි පරිසර පොලීසියට  උපදෙස් ලබාදුන් බවද ලේකම්වරයා පවසා සිටියේය.

කසළ වෙන්කර බාරනොදෙන අයට විරුද්ධව පළාත් පාලන ආයතන හරහා දඩ අයකිරීමට නීතිමය බලතල තිබෙන බවද ඒ මහතා ප්‍රකාශ කළේය.

නොදිරන කසළ රුගෙනයෑම සඳහා පළාත් පාලන ආයතන සමග පෞද්ගලික අංශයේ ආයතන සම්බන්ධ වී සිටින බවද හෙතෙම කියා සිටියේය.

මේ පිළිබඳ ජනාධිපතිවරයාගේ අවධානය යොමුව තිබෙන බව කී කමල් පත්මසිරි මහතා අමාත්‍ය මණ්ඩලය විසින් මේ සඳහා කමිටුවක් පත්කර ඇති බවද කියා සිටියේය. විශේෂ ව්‍යාපෘති ඇමතිවරයා,මහා නගර සහ බස්නාහිර සංවර්ධන ඇමතිවරයා,නීතිය,සාමය හා දක්ෂිණ සංවර්ධන ඇමතිවරයා සහ පළාත් සභා හා පළාත් පාලන ඇමතිවරයා එයට සම්බන්ධ වී සිටින බවද ලේකම්වරයා වැඩිදුරටත් සඳහන් කළේය.

Gb-3

 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...