පාසල් ක්‍රීඩා පුවත්

කෙටිදුර ධාවන ශූර අයේෂ්ට පාසලෙන් උපහාර

2019 මැයි 10 වැනි සිකුරාදා - 9  

2018 සමස්ත ලංකා පාසල් මලල ක්‍රීඩා තරගාවලියේ දී වයස 14 න් පහළ මීටර් 100, මීටර් 80 ධාවන තරග ඉසව් දෙකෙන්ම නව ශ්‍රී ලංකා පාසැල් වාර්තාවක් පිහිටුවීමට සමත්ව ගා/හෙන්නාතොට විද්‍යාවර්ධන විද්‍යාලයේ 13 හැවිරිදි එස්.කේ. අයේෂ් මිහිරංග සිසුවාට හරසර උපහාර දැක්වීමේ උලෙළ එම විද්‍යාලයේ දී පසුගියදා පැවැත්වුණි.
ශ්‍රී ලංකා පාසල් මලල ක්‍රීඩා වාර්තා පොත අලුත් කරමින් වයස 14 න් පහළ ශූරයා බවට පත්වූ අයේෂ් මිහිරංගේ අති විශිෂ්ට දක්ෂතා නිසාම 14 න් පහළ බාලක ශූරතාව ද විද්‍යාවර්ධන විද්‍යාලයට හිමිවිය.
රිය පෙරහරකින් පාසල වෙත කැඳවාගෙන පැමිණි අයේෂ් මිහිරංග පාසල් දොරටුව අභියස දී විදුහල්පති ඇතුළු ආචාර්ය මණ්ඩලය හා සිසු දරැ දැරියෝ මහත් හරසරින් පිළිගත්හ.
වසර 118 ක ඉතිහාසයකට හිමිකම් කියන හෙන්නාතොට විද්‍යාවර්ධන විද්‍යාලයීය ඉතිහාස වංශ කථාවට මලල ක්‍රීඩාවෙන් රනින් සටහනක් තබන්නට මේ පුංචි කඟවේනාට හැකිවීම මහත් ආඩම්බරයක් යැයි විදුහල්පති ආර්.කේ. දිනේෂ් චන්දිම කුමාර මහතා පැවැසීය.
දකුණු පළාත් සභා මන්ත්‍රී සම්මු ආරියවංශ, හික්කඩුව නගරසභාවේ සභාපති විනී කාරියවසම්, නගර සභා මන්ත්‍රීවරැ, උත්සව කමිටු සංවිධායක විතාන කරැණාරත්න, දකුණු පළාත් ක්‍රීඩා සහකාර අධ්‍යක්ෂ ආර්.එම්. ක්‍රිශාන් දුමින්ද, අම්බලන්ගොඩ අධ්‍යාපන කලාපයේ ක්‍රීඩා සහකාර අධ්‍යක්ෂ දිමුතු අබේරත්න, පාසලේ ක්‍රීඩා උපදේශක ඩබ්ලිව්. තිලංකා නිශාන්ත, ක්‍රීඩා ගුරැ උපදේශක සජීව නානායක්කාර මෙම අවස්ථාවට එක්ව සිටියහ.


(ගෝනාපීනූවල - දයා සිරිල් ධම්මික / හික්කඩුව විශේෂ - අමරසේන විතානගේ)

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...