පුවත්

ජාතික තුරුණු පොසොන් කලාපය 13 -18දා දක්වා

2019 ජුනි 03 වැනි සඳුදා - 33  

ජාතිත තරුණ සේවා මධ්‍යස්ථානය විසින් සංවිධානය කරනු ලබන ජාතික තුරුණු පොසොන් කලාපය මේ මස 13 වැනිදා සිට 18 වැනිදා දක්වා මහරගම ජාතික තරුණ සේවා මධ්‍යස්ථානයේදී පැවැත්වීමට නියමිතය.

ජාතික තරුණ සේවා මධ්‍යස්ථානයේ සභාපති  නීතිඥ එරන්ද වැලිඅංගේ මහතාගේ මෙහෙයවීමෙන් පැවැත්වෙන මෙම පොසොන් කලාපය සඳහා පොසොන් පහන් කූඩු භාරගැනීම මෙම 05 වැනිදා දක්වා සිදුකරන බව තරුණ සේව මධ්‍යස්ථානය සඳහන් කළේය.

පරිසර හිතකාමී ස්වාභාවික අමුද්‍රව්‍ය භාවිත කර පොසොන් පහන් කූඩු නිර්මාණය කළ යුතු බව එම මධ්‍යස්ථානය දැනුම් දෙන අතර, ජයග්‍රාහකයන් සඳහා මුදල් ත්‍යාග, සහතික පත් ප්‍රදානය කිරීමටද නියමිතය.

මෙම තරගය අංශ දෙකක් යටතේ පැවැත්වෙන අතර, විවෘත අංශයේ උස අඩි 15ට වැඩි කූඩු නිර්මාණ වෙනුවෙන් ප්‍රථම ස්ථානය සඳහා රුපියල් 300,000ක්, දෙවැනි ස්ථානය සඳහා රුපියල් 200,000ක්, තෙවැනි ස්ථානය සඳහා රුපියල් 100,000ක් සහ සිවුවැනි ස්ථානයේ සිට කුඩු දහයක් සඳහා රුපියල් 25,000 බැගින් මුදල් ත්‍යාග පිරිනැමීමටද සැලසුම් කර තිබේ.

උස අඩි 10ට අඩු කූඩු නිර්මාණ වෙනුවෙන් ප්‍රථම ස්ථානය සඳහා රුපියල් 100,000ක්, දෙවැනි ස්ථානය සඳහා රුපියල් 75,000ක්, තෙවැනි ස්ථානය සඳහා රුපියල් 50,000ක් සහ සිවුවැනි ස්ථානයේ සිට කූඩු 08ක් සඳහා රුපියල් 20,000 බැගින්  මුදල් ත්‍යාග පිරිනැමීමටද නියමිතය.

මේ සම්බන්ධයෙන් වැඩිදුර තොරතුරු ජාතික තරුණ සේවා සභාවේ සහකාර අධ්‍යාකෂවරයාගෙන් (011-3185700) හෝ බස්නාහිර පළාත් අධ්‍යක්ෂවරයාගෙන් (011-2850985) ලබාගත හැකිය.

ජාතික තරුණු පොසොනේ කලාපය පැවැත්වෙන 13 වැනිදා සිට 18 වැනිද දක්වා කාලය තුළ නෙල්ලිගල ජාත්‍යන්තර බෞද්ධ මධ්‍යස්ථානයේ සිට වැඩමවන සර්වඥ ධාතූන් වහන්සේලා වන්දනාවන් පැවැත්වීමටද සැලසුම් කර තිබේ.

මීට අමතරව සීල ව්‍යාපාර, බැති ගී සරණීන්, වෛද්‍ය සායන, පොසොන් දන්සැල් පැවැත්වීමද පොසොන් කලාපයට සමගාමීව පවත්වන බවද ජාතික තරුණ සේවා සභාව වැඩිදුරටත් පවසා සිටියේය.

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...