ක්‍රීඩා පුවත්

බ්‍රැත්වෙයිට් හැඩවූ උඩපන්දුව

2019 ජුනි 24 වැනි සඳුදා - 27  

මෙවර ලෝක කුසලාන එක්දින ක්‍රිකට් තරගාවලියේ මෙතෙක් පැවැති තියුණුම තරගය අවසන් වූයේ නවසීලන්තයට ලකුණු පහක ජයක් හිමිකර දෙමිනි. ඕල්ඩ් ට්‍රැෆර්ඩ්හිදී පෙරේදා (22දා) පැවැති තරගයේදී නවසීලන්තයෙන් එල්ල වූ ලකුණු 292ක ජයග්‍රාහී ඉලක්කය හඹා ගිය කොදෙව්වන්ට පන්දු වාර 49කදී සියලුම දෙනා දැවී රැස් කර ගත හැකි වූයේ ලකුණු 286ක් පමණි.

එහිදී කොදෙව්වන් ජයග්‍රහණය පෙනෙන මානයට රැගෙන ආ කාලෝස් බ්‍රැත්වේට් සිය මංගල එක්දින ශතකය සම්පූර්ණ කරමින් පන්දු 82 කදී ලකුණු 101 ක් රැස් කළේය.

කෙසේ නමුත් තරගයේ තීරණාත්මක අවස්ථාවේදී අවසන් පන්දු 7කට ලකුණු 6ක් පමණක් ජයග්‍රහණයට අවශ්‍යව තිබිණ. එම අවස්ථාවේදී සිය උපරිම රිද්මයේ රැඳී සිටි බ්‍රැත්වේට් ජේම්ස් නිෂාම්ගේ පන්දුවක් ලෝන්ග් ඔන් කලාපය හරහා ගුවනට එල්ල කළේ එය පහසු හයේ පහරක් බවට ඉඟි පළ කරමිනි. නමුත් හයේ සීමාව ආසන්නයේම පන්දු රකිමින් සිටි නවසීලන්ත ක්‍රීඩක ට්‍රෙන්ට් බෝල්ට් සුරැකිව එය රැක ගත්තේ කොදෙව්වන්ගේ ජයග්‍රහණ බලාපොරොත්තු බිඳ දමමින් සිය කණ්ඩායමේ අපරාජිකත්වය තවදුරටත් පවත්වා ගනිමිනි.

කෙසේ වෙතත් 2016 පන්දු වාර විස්සයි20 ලෝක කුසලාන තරගාවලියේ අවසන් තරගයේදී පිත්තෙන් අමතක නොවන ජයග්‍රහණයක් කරා කොදෙව්වන් රැගෙන ගිය ප්‍රවේගකාරී පිතිකරු බ්‍රැත්වේට්ට මෙය දරාගත නොහැකි වූවක් බව පෙනෙන්නට තිබිණ.

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...