ක්‍රීඩා පුවත්

ඉන්දියාව පැරදූ නවසීලන්තය ලෝක කුසලානයේ අවසන් තරගයට

2019 ජූලි 11 වැනි බ්‍රහස්පතින්දා - 10  

ප්‍රභල ඉන්දීය කණ්ඩායම ලකුණු 18කින් පරාජයට පත්කරමින් 2019 ලෝකු කුසලාන තරගාවලියේ අවසන් මහ තරගයට සුදුසුකම් ලැබීමට නවසීලන්ත කණ්ඩායම සමත්විය.

මැන්චෙස්ටර් හි පැවැති තරගයේදී නවසීලන්ත කණ්ඩායමෙන් එල්ල වූ ලකුණු 239ක ඉලක්කයට පිළිතුරු ලෙස ඉන්දීය කණ්ඩායමට රැස්කළ හැකිවූයේ ලකුණු 221ක් පමණි.

ඊයේ මෙම තරගය ආරමභ වුවත් වර්ෂාව හේතුවෙන් එදින තරගය අත්හැර දැමුණු අතර අද දිනයේදී ඊයේ නැවැත්වූ තැනින් තරගය ආරම්භ කළේය.

කාසියේ වාසිය දිනා ගත් නවසීලන්තය මුලින්ම පන්දුවට පහරදෙමින් මන්දගාමී ලෙස තම ඉනිම ලකුණු 238ක් කරා රැගෙන ගියේය. රොස් ටේලර් 74 හා කෙන් විලියම්සන් 67 ලෙස අර්ධ ශතක රැස්කළහ. භුවනේෂ්වර් කුමාර් කඩලු තුනක් බිඳ හෙළිය.

ලකුණු 240ක ජයග්‍රාහී ඉලක්කයක් හඹා ගිය ඉන්දීය කණ්ඩායමට සියලු දෙනා දැවී රැස්කළ හැකිවූයේ ලකුණු 221ක් පමණි. ඉන්දීය කණ්ඩායමේ මුල් කඩුලු 3 ලකුණු 5ක් තුළ බිඳ වැටුණි. අනතුරුව සිවුවැනි කඩුල්ල ලකුණු 24දී බිඳ වැටුණි. කෙසේ වෙතත් පසුව රිෂාබ් පාන්ට් හා පාණ්ඩ්‍යා ඉන්දීය ඉනිම ලකුණු 71ක් කරා රැගෙන ආවේය. අනතුරුව පාන්ට් දැවී ගිය අතර පාණ්ඩ්‍යා ලකුණු 92දී දැවී ගියේය.

ඉන් අනතුරුව දෝනි (50) හා රවීන්ද්‍ර ජඩේජා (77) හත්වැනි කඩුල්ල වෙනුවෙන් ලකුණු 116ක සබඳතාවක් ගොඩනංවා සිටියදි ජඩේජා ලකුණු 208දී දැවී ගිය අතර ඉන් අනතුරුව ලකුණු 216දී දෝනි දැවී ගියේය. ඉනිමට තවත් ලකුණු 5ක් එක්වන විට ඉන්දීය කණ්ඩායමේ ඉතිරි කඩුලුද දැවී ගියේය.

තරගයේ වීරයා ලෙස පන්දුවෙන් දක්ෂතා දැක්වූ මැට් හෙන්රි සම්මාන ලැබීය.

 

 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...