ලොව වටා

 ‘චන්ද්‍රයාන් 2’  මෙහෙයුම ඇරැඹේ රොබෝ යානා 3 ක් සඳට යයි

2019 ජූලි 24 වැනි බදදා - 66  

අභ්‍යවකාශ තාක්ෂණය අතින් අද වනවිට ඉන්දියාව ඉදිරියෙකන් සිටී. ඉන්දියාව 2008 දී සඳුගේ කක්ෂයට  ගවේෂණ යානයක් යවමින් පෙරැළියක් කළා පමණක් නොවෙයි, 2013 දී අඟහරුගේ කක්ෂයට ද සාර්ථකව ගවේෂණ යානයක් ද යැවීය. අති විශිෂ්ට ජනවරමකින් දෙවැනි වරටත් අගමැති ධුරයට පත්වුණු අගමැති නරේන්ද්‍ර මෝදි ප්‍රතිඥා දී ඇත්තේ, ඉදිරි කාලයේ අභ්‍යවකාශ කටයුතු අතින් ඉන්දියාව ඉදිරියට පැමිණෙනු ඇතැයි කියාය. 2008 වසරේ ඇමෙරිකාවේ නාසා විද්‍යාඟයන් පවා මවිතයට පත් කරමින්, සඳුගේ කක්ෂයට යැවුණේ ‘චන්ද්‍රයාන් 1’ යානයයි. එම මෙහෙයුමේ සාර්ථකත්වයත් සමඟ ඉන්දියාව ‘චන්ද්‍රයාන් 2’ මෙහෙයුම පසුගිය 22 වැනිදා ආරම්භ කළේය. ‘චන්ද්‍රයාන් 2’ සංකීර්ණ මෙහෙයුමකි. ඊට රොබෝ යානා 3 ක් ඇතුළත්ය. ගවේෂණ යානා රැගත් රොකට්ටුව ගුවන්ගත කෙරුණේ 22 වැනිදා ඉන්දියාවේ වේලාවෙන් සවස 2.40 ටය.

ප්‍රමාද වී ඇරැඹේ

‘චන්ද්‍රයාන් 2’ පසුගිය 15 වැනිදා ඉන්දියාවේ වේලාවෙන් අලුයම 2.51 ට ආරම්භ කිරීමට නියමිතව තිබුණි. ලොව බොහෝ දෙනකු 2019 ලෝක තුසලාන අවසන් තරගය නරඹමින් එංගලන්ත පිළි ලැබූ ජයග්‍රහණය ගැන කතාබහ කරද්දී, ඉන්දීය අගමැති මෝදි පමණක් නොව, ඉන්දියානුවන් බොහෝ දෙනකු අවදිවී නොඉවසිල්ලෙන් පසුවූයේ  ‘චන්ද්‍රයාන් 2’ යානය රැගත් බාහුබලී නමැති රොකට්ටුව ගුවන්ගත කරන තුරුය. කෙසේ නමුත් අවසන් මිනිත්තු 56 දී ‘චන්ද්‍රයාන් 2’ මෙහෙයුමට අතහැර දැමුණි. ඒ, තාක්ෂණවේදීන්ට රොකට්ටුව උඩු ගුවනට විදීමට සැකැසූ වේදිකාවේ දෝෂයක් ඇති බව දැනගන්න ලැබීමෙනි. ඉන්පසු පසුගිය 22 වැනිදා යළි ‘චන්ද්‍රයාන් 2’ සාර්ථකව ආරම්භ කිරීමට හැකිවිය.

 

ඉස්රෝ මෙහෙයුම

ඉන්දියාවේ අභ්‍යවකාශ කටයුතු සිදු කරන්නේ ‘ඉස්රෝ’ හෙවත් ඉන්දීය අභ්‍යවකාශ පර්යේෂණ ආයතනයයි. ‘චන්ද්‍රයාන් 2’ සාර්ථක වුවහොත්, සඳ මතට යානා පතිත කරන සිවුවැනි රට වන්නේ ඉන්දියාවය. මේ වනවිට සඳට යානා යවා ඇත්තේ ඇමෙරිකාව, සෝවියට් දේශය, චීනය පමණි. සඳට මිනිසුන් යවා ඇත්තේ ඇමෙරිකාව පමණි. ඒ, මීට වසර 50 කට පෙර, ඇපලෝ 11 මෙහෙයුම යටතේය.

චන්ද්‍රයාන් 1

2008 දී, ‘චන්ද්‍රයාන් 1’ සඳට යැවීය. ‘චන්ද්‍රයාන් 1’ පතිත කරවන ගවේෂණ යානයක් නොවීය. එය සඳුගේ කක්ෂයට පිවිස, කක්ෂයේ සිට සඳ සිතියම් ගත කළේය. සඳේ ජල අංශු ඇතැම් පළමු වරට ලොවට අනාවරණය කළේ එම ‘චන්ද්‍රයාන් 1’ යානයයි. ‘චන්ද්‍රයාන් 1’ සඳ සිතියම් ගත කළේ රේඩාර් පද්ධතියක් යොදා ගනිමිනි. ‘චන්ද්‍රයාන් 1’ සේම ‘චන්ද්‍රයාන් 2’ යානය ද සම්පූර්ණයෙන් ම ඉන්දියාවේ නිෂ්පාදනයකි. මෙම මෙහෙයුම සඳහා ඇමෙරිකන් ඩොලර් මිලියන 140 ක මුදලක් වැය වන බව ඉන්දීය අභ්‍යවකාශ පර්යේෂණ ආයතනය පවසා ඇත.

 

යානා 3 ක්

‘චන්ද්‍රයාන් 2’ යානය සඳේ දකුණු අර්ධගෝලයේ ස්ථානයකට ගොඩ බසිනු ඇති අතර, සඳේ පස් සහ පාෂාණ පරීක්ෂා කිරීමත්, ජල අංශුවල දත්ත ලබා ගැනීමත් සිදු කරනු ඇත. ‘චන්ද්‍රයාන් 2’ යානය කොටස් 3 කින් යුක්තය. ඊට කක්ෂගත යානයක්, පතිත කරවන යානයක් සහ සඳේ එහෙමහෙ යා හැකි රොබෝ රෝවර් යානයක් ද ඇතුළත්ය. ප්‍රධාන යානයෙන් වෙන්වන කක්ෂගත යානය සඳේ කක්ෂයට පිවිස කක්ෂයේ රැඳී සිටින්නේ සඳේ සිට සංඥා පෘථිවියට ලැබෙන්න සලස්වන අතරමැදියා ලෙසය.  සඳ මත පතිත කරවන යානය නම් කර ඇත්තේ ‘වික්‍රම්’ යනුවෙනි. රෝවර් යානය ‘ප්‍රාග්යාන්’ ය. එය ඇත්තේ ‘වික්‍රම්’ යානය තුළය. ‘ප්‍රාග්යාන්’ රෝවර් යානය රෝද 6 කින් සමන්විත කුඩා රොබෝ යානයකි. ඉන්දියාව ඔවුන්ගේ රොකට් උඩු ගුවනට විදීම සිදු කරනු ලබන්නේ ‘ශ්‍රී හරිකොත’ අභ්‍යවකාශ මධ්‍යස්ථානයෙනි. ‘චන්ද්‍රයාන් 2’ රැගත්  බාහුබාලී රොකට්ටුව ටොන් 640 ක් බරින් යුක්තය. එහි උස අඩි 144 කි.

‘ද සන් ඇසුරිනි’

ලුසිත ජයමාන්න

 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...