පුවත්

ආදි මානවයා යහමින් කිරි බීලා

2019 සැප්තැම්බර් 13 වැනි සිකුරාදා - 182  

බ්‍රිතාන්‍යයේ විසූ නව ශිලා යුගයට අයත් ආදි මානවයා යහමින් කිරි පානය කර ඇති බව නවතම පර්යේෂණයකින් අනාවරණය වී ඇත. එම මානව පොසිලවල දත්වලින් ලබාගන්නා ලද සාම්පල පරීක්ෂා කර, වර්ණාවලීක්ෂයකින් විශ්ලේෂණය කිරීමේදී, එහි තිබී කිරි ප්‍රෝටීනයක් හඳුනාගෙන ඇති අතර,  එය ‘බීටා ලැක්ටොග්ලොබියුලීන්’ (BLG) ලෙස නම්කර ඇත. 

මීට වසර 6,000කට පමණ ඉහතදී ආදි මානව පරපුර අමු කිරි අධික උණුසුමට ලක්කර, චීස්, යෝගට් මට්ටමට කිරි ආහාරය සකසා හෝ වෙනත් එවැනි පැසුණු ද්‍රව්‍යයක් බවට පත්කර ඇති බවද, මෙසේ උණුකිරීමෙන් කිරිවල පවතින සීනි ප්‍රමාණය (ලැක්ටොස් මට්ටම) අවම කරගෙන, ඔවුන්ට රුචි ආකාරයෙන් ආහාර සකසා ගෙන ඇතැයිද වාර්තා වේ.

නව ශිලා යුගයේ මධ්‍ය යුගයේ විසූ ආදි මානවයන් සත්දෙනෙකුගෙන් ලබාගත් සාම්පල පරීක්ෂා කර මෙම නිගමනය ලබාගත් බව ගවේෂකයෝ පවසති. එංගලන්තයේ නිරිත දිග ප්‍රදේශයේ නව ශිලා යුගයට අයත් පොසිල හමුවූ කැණීම් ස්ථානවලින් මේ බව තහවුරු වී තිබේ. එහිදී හමුවූ වළං කැබලිවල, කිරිවල ඇති ලිපිඩ පවා තිබූ බව තහවුරු වී ඇත. කිරි ආශ්‍රිත නිෂ්පාදන සඳහා ගෘහාශ්‍රිත සතුන් සහිත ඇති කළ බවටද සාධක හමු ව තිබේ.

 “දත්වල තිබෙන සාම්පලවලින් ප්‍රෝටීන සොයාගැනීම මෑතකදී පැමිණි ක්‍රමවේදයක්. මීට පෙරත් මෙවැනි දෑ ගැන කළ අධ්‍යයන ඉතා සුළු ප්‍රමාණයක් තිබුණා. නමුත්, ප්‍රාග් ඓතිහාසික සාධකවලට වඩා පුරාවිද්‍යාත්මක සාධකවලට ඔවුන් යොමුව සිටියා.

ඇමරිකාව සහ යුරෝපයේ  විසූ නව ශිලා යුගයේ මිනිසුන් කිරි ආශ්‍රිත දෑ ආහාරයට ගත්තාය යන කරුණ අනෙකුත් පුරාවිද්‍යාත්මක සාධක අනුවත් තහවුරු වෙනවා” යැයි එංගලන්තයේ යෝක් විශ්වවිද්‍යාලයේ පුරාවිද්‍යා දෙපාර්තමේන්තුවේ ආචාර්ය සොෆී චාර්ල්ටන් මහත්මිය පැවසුවාය.

අතීතයේ විසූ යුරෝ-ආසියානු ජනයාගේ ජාන අධ්‍යයනය කිරීමේදී ලැක්ටෝස් සහිත කිරි සෘජුවම පරිභෝජනය කර ඇත්තේ මෑතකදී බවට හඳුනාගෙන ඇත. එය බහුලව භාවිත කළ බවට සැලකෙන්නේ ලෝකඩ යුගයේදීය. බ්‍රිතාන්‍යයේ නව ශිලා යුගය වසර 6,000 සිට 4,400 දක්වා කාලයක් පුරා පවතින බවද, එම අවධියේ කෘෂිකර්මයට පිවිසුණු මානවයෝ සිය ගොවිබිම්වල එළදෙනුන්, බැටලුවන්, ඌරන් සහ එළුවන් ආදී ගෘහාශ්‍රිත සතුන් ඇති කළ බවද ගවේෂකයෝ කියති.

(බීබීසී ඇසුරින්)

https://yonews.org/earliest-direct-evidence-of-milk-consumption-found-in-prehistoric-british-farmers/

ඩිල්ෂානි චතුරිකා දාබරේ

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...