ලොව වටා

ජපානයේ නව අධිරාජ්‍යයා කිරුළු පළදී

2019 ඔක්තෝබර් 24 වැනි බ්‍රහස්පතින්දා - 72  

ජපානයේ නරුහිතෝ අධිරාජ්‍යයා ටෝකියෝ නුවර රජ මාලිගයේ පැවැති උත්සවයකදී නිල වශයෙන් සිය රජ කිරුළු පැළැදීම සිදු කළේය. පසුගිය මැයි මාසයේදී සිය පියාගෙන් හිමිවුණු රාජ්‍යයත්වය නිල වශයෙන් භාර ගැනීම සඳහා සම්ප්‍රදාය අනුව මෙම උත්සවය සංවිධානය වී තිබුණි. ජපානයේ ඉපැරණි වත් පිළිවෙත් අනුව කිරුළු පැළැදීම සිදුවීමත් විශේෂත්වයක් විය. එසේම මෙම අවස්ථාව සඳහා ලොව පුරා රාජ්‍යයන් 200කට අධික සංඛ්‍යාවක නායකයන් වෙතද ඇරයුම් කර තිබුණි. ශ්‍රී ලංකාව වෙනුවෙන් ජනාධිපති මෛත්‍රීපාල සිරිසේන මහතාද ඊට සහභාගී විය.

59 හැවිරිදි නරුහිතෝ අධිරාජ්‍යයා මෙම අවස්ථාව සඳහා රාජකීයයන් පමණක් හඳින රන්-දුඹුරු පැහැයට හුරු දිගු ලෝගුවකින් සිරසී සිටියේය. සිය කිරුළු දැරීමෙන් අනතුරුව ඊට අදාළ ප්‍රකාශනයද කියවූ අධිරාජ්‍යයා, එම මොහොතේ පටන් ජපාන ව්‍යවස්ථාව අනුව කටයුතු කරමින් තමන් ජපානයේ සංකේතයක් ලෙස තමාට පැවරෙන වගකීම් සම්පූර්ණ කිරීමටක්, ජපාන ජනතාවගේ එකමුතු බව වෙනුවෙන් ක්‍රියාකිරීමටත් පියවර ගන්නා බවට දිවුරු පොරොන්දු දුන්නේය. සිය කිරුළු පැළැදීමේ අවස්ථාවට සමගාමීව නරුහිතෝ අධිරාජ්‍යයා ජපානය තුළ සුළු වැරදි සඳහා චෝදනා ලැබ සිහින ලක්ෂ පහකට ආසන්න පිරිසකට පොදු සමාව ලබාදීමටද පියවර ගෙන ඇත. මාර්ග නීති උල්ලංගණය කිරීමේ වැරදි මීට අදාළ වන බව පැවසෙයි.

මෙම අවස්ථාවේදීම අධිරාජ්‍යයාගේ බිරිඳද මසාකෝ අධිරාජිණිය ලෙස කිරුළු පැලැන්දීම සිදු විය. කෙසේ වෙතත් මෙම කිරුළු පැළැදීමේ උත්සවයෙන් අනතුරුව ලබන මාසයේදී පැවැත්වීමට නියමිතව තිබූ සැමරුම් උත්සව රැසක්ම ජපානයට බලපෑ හගිබිස් ටයිෆූනයෙන් මිය ගිය පිරිස් වෙත ගරු කිරීමක් ලෙස කල්දැමීමට ජපාන බලධාරීන් තීරණය කර තිබේ. අධිරාජ්‍යයා සහ අධිරාජිණිය විවෘත රථයක නැගී ජනතාවට සමාචාර කිරීමේ අවස්ථාවත් ඒ අතර පවතී.(wmdjbm)

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...