ක්‍රීඩා පුවත්

පාසල් මලල ක්‍රීඩා ඉතිහාසයේ වැඩිම තරග වාර්තා මෙවර

2019 නොවැම්බර් 05 වැනි අඟහරුවාදා - 17  

දින 05ක් පුරා සුගතදාස ගෘහස්ත ක්‍රීඩාංගනයේදී පැවති සමස්ත ලංකා පාසල් ක්‍රීඩා උළෙල පෙරේදා (03) පස්වරුවේදී නිමාවට පත් වූයේ පාසල් මලල ක්‍රීඩා අංශයෙන් ඉතිහාසයේ වැඩිම නව තරග වාර්තා ගණන වූ වාර්තා 49ක් බිහි කරමිණි.

ඒ බාලක තරඟ වලින් නව වාර්තා 27ක් සහ බාලිකා තරඟ වලින් නව වාර්තා 22 ක් වශයෙනි. සමස්ත ලංකා පාසල් ක්‍රීඩා උළෙල පසුගිය 30 වන දා ආරම්භ වූ අතර 35 වැනි වරටත් පවත්වන මෙවර තරඟාවලිය සඳහා පාසල් 700කින් ක්‍රීඩක ක්‍රීඩිකාවෝ 6000කට අධික සංඛ්‍යාවක් සහභාගි වූහ.

මෙවර තරගාවලියේ දී සියලුම ක්‍රීඩාවලින් අති විශිෂ්ට පාසල ලෙස ලකුණු 127.5ක් ලබා ගනිමින් රාජකීය විදුහල සම්මාන ලැබූහ.දෙවැනි ස්ථානය දිනා ගැනීමට ලකුණු 80ක් ලබා ගනිමින් ශාන්ත පීතර විදුහල සමත් වූහ. තෙවැනි ස්ථානයට පත්වූයේ කොළඹ විශාඛා විදුහලයි. ඒ ලකුණු 60ක් ලබා ගනිමිනි. අධ්‍යාපන අමාත්‍යංශයේ ලේකම් නිහාල් රණසිංහ මහතා අතින් ඔවුන්ට ජය සංකේත ප්‍රදානය සිදු කෙරුණි.

මෙම අවස්ථාවට අධ්‍යපන අමාත්‍යංශයේ අතිරේක ලේකම් එච්.යූ ප්‍රේමතිලක, ක්‍රීඩා හා ශාරීරික අධ්‍යාපන උපදේශක සුනිල් ජයවීර මහතා ඇතුළු කළාප අධ්‍යාපන අධ්‍යක්ෂකවරු රැසක් සහ විදුහල්පතිවරු ඇතුළු විශාල පිරිසක් එක්ව සිටියහ.

සමස්ත ලංකා පාසල් මලල ක්‍රීඩා තරගාවලියේ ශූරතා

දක්ෂතම මලල ක්‍රීඩකයා - යූ. බී. එම්. ආර්. ඩී. බණ්ඩාර ලුණුවිල වෑකඩ මහා විදුහල (දක්ෂතාව- 18න් පහළ මීටර් 400 තත්පර 47. 53)
දක්ෂතම මලල ක්‍රීඩිකාව - ෂෙලින්දා ජෙන්සන් රාජගිරිය ගේට්වේ ජාත්‍යන්තර පාසල (දක්ෂතාව 20න් පහළ මීටර් 400 තත්පර 47. 53)
පළාත් ශූරතා - 1. බස්නාහිර පළාත (ලකුණු 1280) 2. මධ්‍යම පළාත (ලකුණු 501) 3. වයඹ පළාත (ලකුණු 437) 4. දකුණු පළාත (ලකුණු 327) 4. සබරගමුව පළාත (ලකුණු 278) 6. උතුරු පළාත (ලකුණු156) 6. උතුරු මැද පළාත (ලකුණු 107) 7. ඌව පළාත (ලකුණු 98) 7. නැගෙනහිර පලාත (ලකුණු 78)

සමස්ත බාලිකා ශූරතාව - 1. වලල ඒ රත්නායක විදුහල (ලකුණු 235) 2. රත්නපුර සුමනා බාලිකා විදුහල (ලකුණු 89) 3. ගේට්වේ ජාත්‍යන්තර පාසල ( ලකුණු 74)

සමස්ත බාලක ශූරතාව - 1. සාන්ත පීතර් විදුහල (ලකුණු 133) 2. හලාවත සාන්ත මරියා විදුහල (ලකුණු73) 3. වලල ඒ රත්නායක විදුහල (ලකුණු 72)

කනිෂ්ඨ බාලක ශූරතාව - 1. විජයපුර කනිස්ඨ විදුහල (ලකුණු 33) 2. මොරටුව ජයලත් අප ස්වාමිදුවගේ කන්‍යාරාමය, සාන්ත ඇන්ඩෘ විදුහල (ලකුණු 23)

කනිෂ්ඨ බාලික ශූරතාව - 1. මියුසියස් විදුහල (ලකුණු 26) 2. නුගේගොඩ ලයිසියම් විදුහල (ලකුණු 20) 3.ගාල්ල විද්‍යාලෝක විදුහල (ලකුණු 19)
ජ්‍යෙෂ්ඨ බාලක ශූරතාව - 1. සාන්ත පීතර් විදුහල (ලකුණු 133) 2. සාන්ත මරියා විදුහල (ලකුණු 73) 3.වලල ඒ රත්නායක විදුහල (ලකුණු 72)
ජ්‍යෙෂ්ඨ බාලිකා ශූරතාව - 1. වලල ඒ රත්නායක විදුහල (ලකුණු 235) 2. රත්නපුර සුමන බාලිකා විදුහල(ලකුණු 89) 3. ගේට්වේ ජාත්‍යන්තර පාසල (ලකුණු 74)

12න් පහළ බාලක ශූරතාව - 1. නුගේගොඩ ලයිසියම් විදුහල (ලකුණු 20) 2. ත්‍රිකුණාමලය සිංහල විදුහල (ලකුණු 15) 3. මිනුවන්ගොඩ මාරපොල මහා විදුහල (ලකුණු 10) , ගල්කිස්ස විද්‍යා විදුහල(ලකුණු10) , තිරප්පනේ මහනාම විදුහල (ලකුණු 10) , තණමල්විල බෝධාගමබ මහා විදුහල(ලකුණු 10)

12න් පහළ බාලිකා ශූරතාව - 1. තණමල්විල විජයපුර විදුහල (ලකුණු 33) 2. මොරටුව ජයලත් අප ස්වාමීදුවගේ කන්‍යාරාමය (ලකුණු 23) 3. මහනුවර උසස් බාලිකා විදුහල (ලකුණු 21)

14න් පහළ බාලක ශූරතාව - 1. කොළඹ ආනන්ද විදුහල (ලකුණු 25) 2. ගාල්ල විද්‍යාලෝක විදුහල (ලකුණු19) 3. මාවනැල්ල සහිරා මුස්ලිම් මහා විදුහල විදුහල (ලකුණු 17)

14න් පහළ බාලිකා ශූරතාව - 1. නාවලපිටිය සාන්ත ඇන්ඩෘ විදුහල (ලකුණු 23) 2. හාලිඇල ඌව විද්‍යා විදුහල (ලකුණු 17), කොළඹ සිරිමාවෝ බණ්ඩාරණායක විදුහල (ලකුණු 17)

16න් පහළ බාලක ශූරතාව - 1.කුරුණෑගල සාන්ත ජෝන් කොතලාවල විදුහල (ලකුණු 48) 2. සාන්ත පීතර් විදුහල (ලකුණු 28) 3. වලල ඒ රත්නායක විදුහල (ලකුණු 27)

16න් පහළ බාලිකා ශූරතාව - 1. වලල ඒ රත්නායක මධ්‍ය මහා විදුහල (ලකුණු 72) 2. රත්නපුර සුමන බාලිකා විදුහල (ලකුණු 33) 3. මහව විජයබා ජාතික පාසල (ලකුණු 17)

18න් පහළ බාලක ශූරතාව - 1. සාන්ත පීතර් විදුහල (ලකුණු 72) 2. හලාවත සාන්ත මරියා විදුහල (ලකුණු 41) 3. පන්නිපිටිය ධර්මපාල විදුහල (ලකුණු 24)

18න් පහළ බාලිකා ශූරතාව - වලල ඒ රත්නායක විදුහල (ලකුණු 69) 2. රත්නපුර සුමන බාලිකා විදුහල(ලකුණු 53) 3. රාජගිරිය ගේට්වේ ජාත්‍යන්තර පාසල (ලකුණු 30)

20න් පහළ බාලක ශූරතාව - 1. කොළඹ සාන්ත පීතර් විදුහල (ලකුණු 33) 2. මාකදුර මාකදුර මහා විදුහල (ලකුණු 32) 3. වලල ඒ රත්නායක විදුහල (ලකුණු 29)

20න් පහළ බාලිකා ශූරතාව - 1. වලල ඒ රත්නායක විදුහල (ලකුණු 94) 2. රාජගිරිය ගේට්වේ විදුහල (ලකුණු 44) 3 . අඹගමුව මහා විදුහල (ලකුණු 25)

කඩුලු මතින් දිවීමේ දක්ෂතම ක්‍රීඩකයා හෝ ක්‍රීඩිකාව - නවෝද්‍ය සංකල්ප මහින්ද විදුහල ගාල්ල
(20න් පහළ මී. 400 කඩුලු මතින් දිවීම තත් 52. 50)

පැනීමේ ඉසව්වල දක්ෂතම ක්‍රීඩකයා හෝ ක්‍රීඩිකාව - ටී. ජී. එම්. සදනුවන් රාජාංගනය යාය 5 මහාවිදුහල ( 20න් පහළ තුන් පිම්ම මීටර් 15. 32)

විසිකිරීමේ ඉසව්වල දක්ෂතම ක්‍රීඩකයා හෝ ක්‍රීඩිකාව - රුමේෂ් තරංග සාන්ත පීතර විදුහල (18න් පහළ හෙල්ල විසි කිරීම මීටර් 66.63)

ධාවන තරග දක්ෂතම ක්‍රීඩකයා හෝ ක්‍රීඩිකාව - යූ. බී. එම්. ආර්. ඩී. බණ්ඩාර ලුණුවිල වෑකඩ මහා විදුහල ( 18න් පහළ මීටර් 400 තත්පර 47. 53)

සමස්ත ලංකා පාසල් මිශ්‍ර ශූරතාව (16න්, 18න් හා 20න් පහළ) - 1. වලල ඒ රත්නායක විදුහල (ලකුණු307) 2. රාජගිරිය ගේට්වේ ජාත්‍යන්තර පාසල ( ලකුණු 89) 3. ශ්‍රීමත් ජෝන් කොතලාවල මහා විදුහල(ලකුණු 56)

සමස්ත ලංකා පාසල් සහය දිවීමේ බාලක ශූරතාව (16න්, 18න් හා 20න් පහළ) – සාන්ත පීතර් විදුහල (ලකුණු 40) 2. වලල ඒ රත්නායක විදුහල (ලකුණු 20) 3. සාන්ත බෙනඩික්ට් විදුහල (ලකුණු 18)

සමස්ත ලංකා පාසල් සහය දිවීමේ බාලිකා ශූරතාව (16න්, 18න් හා 20න් පහළ) – 1.වලල ඒ රත්නායකවිදුහල (ලකුණු 20) 2. රත්න පුර සුමනා බාලිකා විදුහල (ලකුණු 19) 3. ගම්පහ සිරිකුරුස විදුහල (ලකුණු12)

 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...