පරිසරය

ඉන්දියාව ප්ලාස්ටික් ගඩොල් නිපදවයි

2019 නොවැම්බර් 29 වැනි සිකුරාදා - 207  

න්දියාවේ ජද්වපූර් විශ්වවිද්‍යාලයේ ඉගෙනුම ලබන අභිෂේක් බැනර්ජි සිසුවා, ඉවතලන ප්ලාස්ටික් යොදාගනිමින් ප්ලාස්ටික් ගඩොල් කැටයක් නිපදවා තිබේ. එය ප්ලාස්ටිකියුබ් ලෙස හැඳින්වේ. සිය සඟයන්, බටහිර බෙංගාලයේ කසළ රැස්කරන්නන් සමඟ එක්වී වතුර බෝතල් සහ ප්ලාස්ටික් මලු එක්කළ අභිෂේක් ඒවා පිරිසිදු කර, සාමාන්‍ය ගඩොල් සාදන ආකාරයට පීඩනයට ලක් කරමින් ප්ලාස්ටික් ගඩොල් කැට සාදා ඇත. ඔහු මෙය නිමවා ඇත්තේ 2017දීය.

අභිෂේක් 22 හැවිරිදි වියේ පසුවන තරුණයෙකි. දිනක් පර්යේෂණ චාරිකාවක් සඳහා සාම්ප්‍රදායික ගඩොල් නිපදවන ස්ථානයක් වෙත ගිය අතර, එහිදී කම්කරුවන් දෑතින් මැටි අනමින් ඒවා ඔසවාගෙන යමින් විඳින හිරිහැර ඔහු දුටුවේය. ප්ලාස්ටික් යොදාගනිමින් ගඩොලක් නිපදවීමට ඔහුට සිතුණේ මේ අතරතුරදීය. එක් ප්ලාස්ටික් ගඩොලක් නිපදවීමට ඉන්දීය රුපියල් 5ක් - 6ක් අතර ප්‍රමාණයක් වැය වන බවද අභිෂේක් පවසයි.

එක් ගඩොලක කිලෝ 1.6ක ප්‍රමාණයක ප්ලාස්ටික් ඇතුළත් වේ. මෙම ගඩොල් යොදා ගොඩනැගිලි ඉදිකිරීම ගැන ඔවුන් තවමත් පරීක්ෂණ කර නොමැති නමුත්, දීර්ඝ කාලීනව ප්ලාස්ටික් ගඩොල් භාවිත කළ හැකිදැයි තවදුරටත් ගවේෂණය කරමින් පවතී. අභිෂේක් විශ්වාස කරන්නේ, මෙම ගඩොල් මැටි ගඩොල්වලට වඩා කාලයක් භාවිත කළ හැකි බවයි.  අභිෂේක්ගේ මෙම ප්ලාස්ටික් ගඩොලට 2018දී ඇමෙරිකාවේ පරිසරය හා සම්බන්ධව පැවති තරුණ පර්යේෂකයන්ගේ තරගයකදී සම්මාන ලැබී ඇත. ඉන්දියාව දිනකට ප්ලාස්ටික් ටොන් 25,000කට අධික ප්‍රමාණයක් කසළ ලෙස බැහැර කරන බව වාර්තා වේ. ඉන් 40%ක් රැස්නොකර පරිසරයේම පවතී. ප්ලාස්ටික් ප්‍රතිචක්‍රීකරණ ලෝකයේ දියුණුවට යොදාගන්නේ කෙසේදැයි සිතා නව නිපැයුම් කරන්නැයි අභිෂේක් තරුණ පර්යේෂකයන්ට පවසයි.

 

(සී එන්එන් ඇසුරිනි)

ඩිල්ෂානි චතුරිකා දාබරේ

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...