පුවත්

සංවර්ධනය සහ පරිසර සංරක්ෂණය එකට ගමන් කළයුතුයි - ජනපති

2020 පෙබරවාරි 03 වැනි සඳුදා - 326  

රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය.

“සංවර්ධනයේ දී ජෛව විවිධත්වය ආරක්ෂා කිරීමට සියලුදෙනා අවධානය යොමු කළ යුතුයි. අවිධිමත් සවංර්ධනය පරිසර විනාශයටත්, තෙත්බිම් අහිමිවීම කෙරෙහිත් බලපා තිබෙනවා. සතුන් සහ පැළෑටි මගින් ලැබුණු මහත් ප්‍රයෝජන අපට අහිමි වෙමින් පවතිනවා. සොබාදහම විනාශවීමට සාපේක්ෂව සංස්කෘතිය ද විනාශ වෙනවා.  නීති රීති පැනවීමෙන් පමණක් තත්ත්වය වෙනස් කළ නොහැකියි. පරිසරය පිළිබද මහජන සුබවාදී ආකල්ප සහ අවබෝධය ඉතා වැදගත්” යැයි  ජනාධිපතිවරයා පෙන්වා දෙයි.

බත්තරමුල්ල, අපේගම් පරිශ්‍රයේ දී  අද ( 03) පෙරවරුවේ පැවති ලෝක තෙත්බිම් දින  ජාතික උත්සවය අමතමින් ජනාධිපතිවරයා මේ බව සඳහන් කළේය.

ලෝක තෙත් බිම් දිනය සෑම වසරකම පෙබරවාරි 02 වන දිනට යෙදී තිබේ. “ජෛව විවිධත්වයෙන් යුතු තෙත්බිම්” යන්න මෙවර තේමාවයි. පරිසර අධිකාරිය හා වනජීවි දෙපාර්තමේන්තුව ඒකාබද්ධව වැඩසටහන සංවිධානය කර තිබිණ.

ජනතාවගේ ජීවත්වීමේ අයිතිය තහවුරු කිරීමට නම් පරිසර විනාශය නතර කළ යුතුය. නමුත් සංවර්ධනය අතපසු නොකළ යුතු අතර ආයෝජන ද පරිසර නීතින්ට අනුගත වෙමින්  සිදු කළයුතුය.

පරිසර නීති සාම්ප්‍රදායික කර්මාන්තවලට අනවශ්‍ය බාධාවක් විය යුතු නැත. ක්ෂණික තීරණ නොගෙන පරිසරය සහ දේශීය කර්මාන්ත යන දෙකම ආරක්ෂාවන පරිදි විද්‍යානුකූල ක්‍රමවේදයකට ක්‍රියා කිරිමේ වගකීම ජනාධිපතිවරයා පැහැදිලි කළේය.

ගමක සුන්දරත්වය, සංස්කෘතික වටිනාකම් මතු පරපුරට රැක දිය යුතු වේ. අපේ රටට ආවේණික ශාක වර්ග, පෑලෑටි මෙන්ම සතා සීපාව ද රැක ගනිමින් පරිසර සංරක්ෂණ සහ සංවර්ධනය යන අභියෝග දෙකම ජය ගැනීමට සියලුදෙනා කැපවිය යුතු බව  එතුමා කියා සිටියේය.

තෙත්බිම්වල වටිනාකම පිළිබඳව පාසල් දරුවන්ගේ සහ ප්‍රජාවගේ ආකල්ප වර්ධනය වෙනුවෙන් සංවිධාන කෙරුණු  දීප ව්‍යාප්ත චිත්‍ර තරගයේ ජයග්‍රාහකයන්ට ත්‍යාග සහ සහතිකපත් ප්‍රදානය ජනාධිපතිතුමා අතින් සිදු කෙරිණ.

ආචාර්ය බන්දුල ගුණවර්ධන, එස්.එම්. චන්ද්‍රසේන අමාත්‍යවරුන් සහ , රාජ්‍ය අමාත්‍ය ජයන්ත සමරවීර සහ මධ්‍යම පරිසර අධිකාරියේ සභාපති එස්. අමරසිංහ, අධ්‍යක්ෂ ජනරාල් හේමන්ත ජයසිංහ යන මහත්වරු ඇතුළු පිරිසක් මේ අවස්ථාවට එක්ව සිටියහ.

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...