Uncategorized

ඔක්ස්ෆර්ඩ් ශබ්දකෝෂයට නයිජීරියානු වදන් 29ක් එක්වෙයි

2020 පෙබරවාරි 04 වැනි අඟහරුවාදා - 43  

ලෝකප්‍රකට ඔක්ස්ෆර්ඩ් ඉංග්‍රීසි ශබ්දකෝෂයේ නව මුද්‍රණය සඳහා නයිජීරියානු වචන සහ කියමන් 29ක් එක් කර ඇතැයි එහි සංස්කාරකවරු පවසති. නයිජීරියානු භාෂා වන හවුසා සහ යොරුබා යන භාෂාවලින් ලැබුණු වදන් මෙන්ම ඔවුන් සකසා ගත් වදන් ද මීට යොදා තිබේ. මිලියන ගණනක නයිජීරියානුවෝ ඉංග්‍රීසි භාෂාව භාවිත කරන බව පවසන ඔක්ස්ෆර්ඩ් ශබ්දකෝෂයේ සංස්කාරකවරු ඔවුන් ඉංග්‍රීසි භාෂාවේ හැඩරුව වර්ධනයට උපකාරී වී ඇතැයි ද පවසති.

අලුතින් එක් වූ වදන් කිහිපයක් පහත දැක්වේ.

Kannywood – නයිජීරියානු හවුසා භාෂාවට අනුව කැනෝ නම් නගරය කේන්ද්‍රකරගනිමින් ඇති වූ සිනමා කර්මාන්තය මෙලෙසින් හඳුන්වයි.

Ember months – සැප්තැම්බර්යේ සිට දෙසැම්බරය දක්වා වසරේ අවසන් මාස

next tomorrow - අනිද්දා

To rub minds - උපදෙස් විමසමින් එක්ව කටයුතු කිරීම

barbing salon - කොණ්ඩා කපන ස්ථානය

මෙම වචන අලුතින් එක්කිරීමට පෙර පටන් ම ඔක්ස්ෆර්ඩ් ශබ්දකෝෂයේ නයිජීරියානු වචන 57ක් ඇතුළත්ව ඇත. ඉංග්‍රීසි භාෂාව ලොව පුරා ව්‍යාප්තවීම සම්බන්ධයෙන් සමස්ත කරුණු පිළිබිඹු කිරීම සඳහා මෙම වදන් ශබ්දකෝෂයට එක් කළ බව එහි ඉංග්‍රීසි භාෂා සංස්කාරකවරිය වන ඩැනිකා සලසාර් මහත්මිය පැවසුවාය. “ඔක්ස්ෆර්ඩ් කියන්නේ, ඓතිහාසික ශබ්දකෝෂයක්. එහි කාර්ය භාර්ය වන්නේ, ඉංග්‍රීසි භාෂාව භාවිතයේ සංවර්ධිත අවස්ථා ගැන කතාන්දරය ඉදිරිපත්කිරීමයි. ඉංග්‍රීසි ජාත්‍යන්තර භාෂාවක්. ලෝකයේ විවිධ රටවල විවිධ පසුබිම් යටතේ සිටින මිනිසුන් එය භාවිත කරනවා. මිනිස්සු අලුතින් වචන නිර්මාණය කරනවා. ඒවායින් භාෂාවට විවිධ හැඩ ලැබෙනවා.

නයිජීරියාව වගේ ඇතැම් රටවල් ඉංග්‍රීසි භාෂාවට සෘජුව බලපාන බවට අපි දැනට හඳුනාගෙන තිබෙනවා. ලෝකයේ ඉංග්‍රීසි බස විශාල වශයෙක් කතාකරන රටක් ලෙස එය සැලකෙනවා. අපේ කාර්යභාර්ය තමයි ඉංග්‍රීසි භාෂාවේ ඉතිහාසය ගැන පැවසීම. එතැනදි නයිජීරියානුවන්ගේ දායකත්වය අමතක කළොත් කතාන්දරය සම්පූර්ණ වෙන්නෙ නෑ. වැඩිපුර වචන එක්කළොතින් තමයි ඉංග්‍රීසි භාෂාව ලෝකයේ පැතිරයාම නිවැරදිව මෙයින් පෙන්නුම් කරන්නේ” යැයිද ඇය පැවසුවාය.

ඩිල්ෂානි චතුරිකා දාබරේ

(සීඑන්එන් ඇසුරිනි)
 
)

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...