ලක්මවු ...

දිය දහරා ගලා හැලෙන ගිරි කුළු පව්වෙන් වටවුණ
මහා සයුර පවා පරදන දිව්‍ය ලොවකි මේ පින්බිම
හිමිදිරියේ වන අරණේ නැළවෙන මල් ගොමු මැද්දේ
සවන් පිනන සංගීතේ ඇත ලංකා යන නාමේ

අපා දෙපා සිවුපාවෝ ලක් මවුගේ සේනාවෝ
රටට වෙනා විනාශයේ සැමදා ජයගෙන ඇත්තේ
වගා කරන වෙල් කුඹුරේ වතුර ඇතේ වැව් අමුණේ
දෙවියන්ගේ ආසිරි මැද වරදින්නෑ අස්වැන්නේ

උදෑසනම හිරැ ඔබ මට රාත්‍රියට සඳු ඔබ මට
ඔවදන් දුන් ගුරැ ඔබ මට රකිනෙමි ලක් මවු මගෙ රට

ධනංජනා රැචිරානි තෙන්නකෝන්
9 ශ්‍රේණිය,
අ/කැකිරාව මධ්‍ය විද්‍යාලය.