උදෑසන හිරැ එළියේ නැහැවෙමින්  කුරැලු ගී ගායනාවලින් විකසිත වන අප කොතරම් භාග්‍යවන්තද නීල හරිතව ලෙළදෙන ගොයම් පැළ ඓම කුඹුරැ මැද සිට පියාඹා යන කොක්කු රූන, කුඹුර යාය මා මැදිව ඇති බෝධීන් වහන්සේ උදෑසන හඬලන කුකුළු නාදය, කුඹුරැවලට එපිටින් සිටින කිරි එළදෙනුන් ඉතා මනහර අසිරියකි. මඳ සුළග හමන විට ඒ සුළඟ සමඟ මුසුව එන බටනළා නාදය ද කුඩා දියපහරවල් ගලා හැලෙන හඬ ද එම දිය කඩිතිවල ජීවත්වන දණ්ඩි පැටව් ද ඉතා දැකුම්කලු දසුනකි. සෑම දින ම සවස 3.30ට පමණ වන විට ගම මැද ඇති පෙලෙන්ගා ගස යටට පැමිණෙන්නෙමු. පසුව මාදං, වෙරළු, ජම්බු, හිඹුටු, පෙලෙන්ගා ගෙඩි කඩා රුගෙන ගඟ ළඟ ඇති ගල මතට ගොස් පලතුරැ කන්නෙමු. ගඟ මැදට ගොස් ක්‍රීඩා ද කරන්නෙමු. මෙලෙස සතුටු වීමට අපට හැකිවුණේ මෙවන් සුන්දර ගම්මානයක වෙසෙන නිසා ය. 

සකුන්තලා ප්‍රියදර්ශනී
11 ශ්‍රේණිය,
ර/පොතුපිටිය මහා විද්‍යාලය,
රත්නපුර.