ඔබට බොහෝ දේ ලබා දෙන මා ගැන නොදන්නා කෙනෙක් නැත. ඔබලාගේ ජීවය ද රඳා පවතින්නේ මා නිසා ය. මම ඔබලාට ඖෂධ වර්ග බොහෝ ලබා දෙමි. මල් වර්ග හා පලතුරැ ද ලබා දෙමි. ඔබ සියලු දෙනාට අත්‍යවශ්‍ය ඔක්සිජන් වායුව ද ලබා දෙන්නේ මා විසිනි. මම ස්වයංපෝෂිත වෙමි. මගේ ශරීරයේ සැම කොටසකින් ම සියලු දෙනාට ම ප්‍ර යෝජන ලැබේ. නවීන මිනිසා අප වැනි අය කපා දමා විශාල ගොඩනැගිලි තනයි. 
එවන් දේවලට අපි අකැමැති වෙමු. ඔබලාගේ විඩාව නිවන්නට හමා යන සුළඟ ද සෙවණ ද ආහාර ද නොපැකිලව ලබා දෙමි. මම සැම විට ම පරාර්ථකාමි වෙමි. සියලු දෙනටම ආදර්ශවත් වේ යැයි සිතමි. මෙතෙක් වේලා ඔබ සමග කතා කළ මා දැන් ඔබට හඳුනා ගත හැකි ය. මම ගසක් වෙමි.

ඩී. එම්. අයි. අනුරාධි
7 ශ්‍රේණිය,
මො/යශෝධරා බාලිකා විද්‍යාලය,
බිබිල.