අයහපත් කාලගුණය වසා දමා තිබූ ඉන්දියාවේ කොචින් ජාත්‍යන්තර ගුවන් තොටුපළ විවෘත කිරීමත් සමග, ශ්‍රී ලන්කන් ගුවන් සේවය යළිත් කෝචින් වෙත සිය මෙහෙයුම් ආරම්භ කර තිබේ.

ඒ අනුව තාවකාලිකව නවතා තිබූ ගුවන් ගමන් යළි ආරම්භ කරමින් පළමු ගුවන් යානය අද (12දා) උදෑසන කොචින් බලා පිටත්ව ගියේය.

උදෑසන 9.10 ට කොචින් ජාත්‍යන්තර ගුවන් තොටුපළ බලා කටුනායක බණ්ඩාරනායක ජාත්‍යන්තර ගුවන් තොටුපළෙන් පිටත්ව ගිය අතර , ඒ සදහා ශ්‍රී ලන්කන් ගුවන් සේවය ඒ.- 330 - 243 එයා බස් වර්ගයේ ගුවන් යානයක් යොදවා තිබුණි .

උදෑසන 9.00 ට කටුනායක ගුවන් තොටුපළෙන් පිටත්වන ගුවන් යානය එදිනම උදෑසන 10.15 ට කොචින් ගුවන් තොටුපළ වෙත ළඟා වීමට නියමිතය .

ඉන්පසු එම ගුවන් යානය එදිනම සවස 4.10 ට කොචින් ගුවන් තොටුපළෙන් පිටත් වී සවස 5.20 ට කටුනායක ගුවන් තොටුපළ වෙත ළඟා වීමට නියමිතය.