ජාත්‍යන්තර මවු භාෂා දිනය වෙනුවෙන් මැතිවරණ කොමිසමේ සභාපති මහින්ද දේශප්‍රිය මහතාගේ සංකල්පයකට අනුව දුෂ්කර පාසල් සිසුන් වෙනුවෙන් පුස්තකාල පහසුකම් ලබාදීමේ වැඩසටහන අනුව මතුගම කොට්ඨාශයේ අති දුෂ්කරම පාසලක් වන මතුගම ගල්ලෙනිය කන්ද ප්‍රථමික විදුහලට පුස්තකාල පොත් ප්‍රදානය කිරීම මැතිවරණ කොමිසමේ සභාපති මහින්ද දේශප්‍රිය මහතාගේ ප්‍රධානත්වයෙන් අද (25) එම විදුහලේදී සිදුකෙරිණි.

කළුතර දිස්ත්‍රික් ලේකම් යු.ඩී.සී.ජයලාල්, කළුතර අතිරේක දිස්ත්‍රික් ලේකම් තිලංකා වෙත්තසිංහ යන මහත්ම මහත්මීන්ගේ සහයෝගයෙන් කළුතර මැතිවරණ ලේකම් කාර්යාලයේ නියෝජ්‍ය මැතිවරණ කොමසාරිස් කාලින්ද්‍ර ජයවීර මහතා ඇතුළු කාර්ය මණ්ඩලයේ දායකත්වයෙන් මතුගම ප්‍රදේශයේ  පිහිටා ඇති අති දුෂ්කර පාසලක් වන මෙම  මතුගම ගල්ලෙනිය කන්ද ප්‍රථමික විදුහලට අත්‍යාවශ්‍යව තිබු පුස්තකාල පහසුකම් ලබාදීමේ වැඩ සටහනේ මුල් අදියර ලෙස මැතිවරණ කොමිසමේ සභාපති මහින්ද දේශප්‍රිය මහතා මෙසේ පොත් පරිත්‍යාග කිරීම සිදුකෙරිණි.(ada)