පාසැල්වල පස්වෙනි ශ්‍රේණියේ ශිෂ්‍යත්ව විභාගය අහෝසි කළ යුතු යැයි ජනාධිපති මෛත්‍රිපාල සිරිසේන මහතා පොළොන්නරුවේදී පැවසීය. ශිෂ්‍යත්ව විභාගය නිසා දරුවන් සහ ඔවුනගේ දෙමවුපියන් ලබන අමිහිරි අත්දැකීම් පිළිබඳව පැහැදිලි කළ ජනාධිපතිවරයා මේ කරුණු සැලකිල්ලට ගෙන ඒ විභාගය අහෝසි කිරීීම පිළිබඳව තීන්දුවකට රජය එළඹ තිබෙන බවද කීය.
 
පහේ ශිෂ්‍යත්ව විභාගය යනු දරුවන්ගේ කායික, මානසික තත්වය දුර්වල කරන දරුවන්ගේ මානසික තත්වය වට්ටන, අම්මලා ලෙඩ්ඩු කරන අම්මලා මානසික රෝගීන් කරන එකක් බවද ජනාධිපතිවරයා කීවේය. පිබිදෙමු පොළොන්නරුව දිස්ත්‍රික් සංවර්ධන  වැඩසටහන යටතේ පොළොන්නරුව රාජකීය විද්‍යාලයේ අභිනවයෙන් ඉදිකරන ලද මෛත්‍රී ශිල්ප කලා මණ්ඩපය ශ්‍රවණාගාරය සිසු අයිතියට පත් කිරීමෙන් අනතුරුව පැවති උත්සව සභාව අමතමින් ජනාධිපති මෛත්‍රිපාල සිරිසේන මහතා එසේ පැවසීය.

(ලංකාදීප ඇසුරින්)