මොරටුව විශ්වවිද්‍යාලයේ නව වෛද්‍ය පීඨය ඉදිකිරීමේ කටයුතු ආරම්භ කිරීම හා නිම කිරීම සඳහා, ඉතා සහනදායී ණයක් ලෙස රුපියල් මිලියන  6000ක් ශ්‍රී ලංකාවට ලබාදීමට,කුවේට් අරමුදල එකඟත්වය පළ කර තිබේ. ඒ අධ්‍යාපන අමාත්‍ය දිනේෂ් ගුණවර්ධන මහතා සමග පසුගියදා අධ්‍යාපන අමාත්‍යංශයේ පැවැති සාකච්ඡාවකදීය.

එමෙන්ම ශ්‍රී ලංකාවේ පාසල් 100ක් අන්තර්ජාතික මට්ටමට ගෙන ඒම සඳහා ආධාර කිරීමට බලාපොරොත්තු වන බව කුවේට් අරමුදලේ නියෝජිතයෝ ප්‍රකාශ කළහ. මෙම සාකච්ඡාවට මෙරට කුවේට් තානාපති Khalaf Dhhair මහතා මෙන්ම කුවේට් අරමුදලේ පරිපාලන හා මූල්‍ය කටයුතු අධ්‍යක්ෂ ජෙනරාල් Nedhal A-Olayan සහ කුවේට් අරමුදලේ නැඟෙනහිර, දකුණ ආසියානු හා පැසිෆික් කලාපීය අධ්‍යක්ෂ Yonsef Al-Bader යන මහත්වරු එක්ව සිටියහ.