ළමුන් අතර රෝගය පැතිර යෑම පසුගිය සතියේ වේගවත්ව ඇති බව ශ්‍රී ලංකාවේ ප්‍රධානතම කොවිඩ් ප්‍රතිකර මධ්‍යස්ථානයක් වන හෝමාගම මූලික රෝහලේ වෛද්‍යවරුන් පැවැසූ බව රාජ්‍ය අමාත්‍ය, මහාචාර්ය චන්න ජයසුමන මහතා පවසයි.

හෝමාගම මූලික රෝහේලේ නිරීක්ෂණ චාරිකාවකට එක්වීමෙන් අනතුරුව සිය ෆේස් බුක් පිටුවෙන් ප්‍රකාශයක් කරමින් ඔහු මේ බව පැවැසීය.

එන්නත් මාත්‍රා දෙකම බාගත් අයට රෝගය වැළඳුනද එහි බලපෑම අවම බව වෛද්‍යවරු සඳහන් කළ බවද රාජ්‍ය අමාත්‍යවරයා පැවැසීය. නිධන්ගත රෝගාබාධවලින් පෙලෙන COVID 19 වැළඳුනු රෝගීන් බහුතරයක් හෝමාගම කොවිඩ් ප්‍රතිකාර මධ්‍යස්ථානයේ ප්‍රතිකාර ලබන බවත් ඉහල යන රෝගීන් ප්‍රමාණය හමුවේ උපරිම සේවයක් ලබා දීමට සෞඛ්‍ය කාර්ය මණ්ඩලය ප්‍රශංසනීය සේවයක් ඉටු කරන බවත් අමාත්‍යවරයා වැඩිදුරටත් සඳහන් කළේය.