ඔමරි පානවා ඈ දෑත     වනනවා
මට අත වනලා යම් දෙයක්     කියනවා
හිමි සඳ සනසනවා ඔහු හා     දැවටෙනවා
ඒ පෙම් මල් අතරේ යමකුත්     විමසනවා

මට පුදුම හිතෙනවා ඇය මා     අමතනවා
හිමියන් ළඟ දැවටී මට අතක්     වනනවා
ඈ යමක් කියනවා යම් දෙයක්     අසනවා
ඇය මා රවටනවා මට එසේ     සිතෙනවා

කිම මට අමතනවා හිමියනුත්     සිටිනවා
හේතුව විමසීම වටී මට යන්න     හිතෙනවා
දැන් මට වැටහෙනවා මා ඈ     හඳුනනවා
ඉසුරැමුණියෙ ඒ යුවතිය අදත්     ඉන්නවා

ගල්වඩුව සොයනවා නිමකරැ     විමසනවා
හෙළ ගලේ පෙමක් පෙම් යුවළක් කතා     කරනවා
මට පුදුම හිතෙනවා මගෙ නෙතු     රුවටෙනවා
ඉසුරැමුණියෙ ප්‍රේම යුවළ බුදුන්     වඳිනවා

නිම්මි දෙව්මිණි
11 ශ්‍රේණිය,
බප/කැල/ ශුද්ධ වූ පවුලේ බාලිකා මහා විද්‍යාලය, කිරිමැටියාගාර, කඩවත.