හඳ මාමේ හඳ මාමේ  ඇයි     නොබලන්නේ
තරහ වෙලා වගෙයි මෙහෙම ඇයි     ඔරවන්නේ
මේ මාසේ පොහොයටවත් පන්සල්     යන්නේ
මාමේ ඔබත් නොයනවාද ඇයි     නොකියන්නේ

හැම මාසෙ ම පුන් පොහොයට ඔබව     බලන්නේ
ගිය මාසේ පොහොයෙන් පසු ඔබ     නොදකින්නේ
නොබැලුවාට මෙමා එක්ක තරහ     නොවන්නේ
අපේ අම්මාගේ අවමගුලයි මා     හඬවන්නේ
    
බොහෝ සෙයින් අසරණ වී මා     වැළපෙන්නේ
අම්මා නැතිව තව පොහොයක් ගෙවිලා     යන්නේ
ඔබේ  ලස්සන ගයමින් මා උදම්     අනන්නේ
හඳ මාමේ ඔබ වෙතටයි ලිපිය     ලියන්නේ

නයනි නෙත්මිණි නයනතාරා
10 ශ්‍රේණිය,
ආර්.ජී. සේනානායක මහා විද්‍යාලය,
නාරම්මල.