කඳු මුදුනක ඉපදිලා මං මේ     එන්නේ
කඳු ගැටයේ ඉහළ ඉඳන් බිම     සිපගන්නේ
සුදට සුදේ කිරිපාටට මා     දිදුලන්නේ
ඔබ සැමගේ සිත පිනවන රුඟුම්     පාන්නේ

අතරමගදි සිත් පොලඹන දසුන්     දකින්නේ
ගස් ගල් මාගේ ගමනේ  මැද්දට     එන්නේ
බාධක යැයි ඔබ සිතුවත් මා     නොසිතන්නේ
ගල් පරවල හැපෙමින් මා සිනහ     නගන්නේ

ඔබ සැමදෙන පසුකරගෙන ඇදිලා     යනවා
සොබා දහමෙ අසිරිය මට ඉන්න     කියනවා
නවතින්නට බැහැ දිගටම යන්න     තියෙනවා
සුබ පතලා ඔබහට මම සමුදී     යනවා

කවදා හෝ මහ මුහුදේ පිහිට     පතනවා
ඒ වනතුරැ මා දිගටම ගමනේ     යනවා
අපේ රටේ හැම ගඟක්ම එතැන     තියෙනවා
අප සැම දෙන මහ මුහුදෙදි එකමුතු     වෙනවා

ඉසුරංගි නවෝද්‍යා
12 ශ්‍රේණිය,
බ/පුස්සැල්ලාකන්ද මහා විද්‍යාලය,
හැලිඇළ.