සූරිය දෙව් ගිර මුදුනෙන් සෙමින් සෙමින් නැග     එනවා
සියොතුන්ගේ මිහිරි නාද දසතම පැතිරී    යනවා
දහස් ගණන් කුසුම් පිපී අවටම සුන්දර     වෙනවා
පුංචි ළමයි කොක්කුන් මෙන් සිප්හල වෙත දුව     යනවා

සූරිය රුස් ගස් අතරින් මිහිකත මත පතිත     වෙනවා
ඒ රුස් පිනි මතට වැටි මුතු කැට මෙන්     දිලිහෙනවා
මී මැස්සෝ රැංරැං ගා පැණි සොයමින්     ඉගිළෙනවා
ගොවි මහතුන් උදලු රුගෙන කුඹුරැ වෙතට     පිවිසෙනවා

වැඩිහිටියන් තම තමන්ගෙ වැඩ හනිකට     කරනවා
ගොපලු කොලුවො තම ගවයන් තණ කෑමට ගෙන     යනවා
කුරැල්ලන්ද කෑම සොයා ඈත අහසෙ     ඉගිළෙනවා
සුන්දර උදයක අසිරිය මෙලෙස අපට     පෙනෙනවා

හසිනි ෂෙහාරා
6 ශ්‍රේණිය, කො/දේවි බාලිකා විද්‍යාලය.