පුවත්

ප්‍රින්ස් නිහඬ වෙයි

2017 ජුනි 08 වැනි බ්‍රහස්පතින්දා - 73  

ජනප්‍රිය ගායන ශිල්පී ප්‍රින්ස් උදය ප්‍රියන්ත අද(8) අභාවප්‍රාප්ත වූ බව පවුලේ ආරංචි පවසයි.වසරකටත් වැඩි කාලයක් ඔහු රෝගී තත්ත්වයෙන් පසු වූ ඔහු අවසන් කාලයේ කොළඹ පෞද්ගලික රෝහලක ප්‍රතිකාර ලබමින් සිටියේය.

මිය යන විට ඔහු 47 වැනි වියේ පසු වූ ප්‍රින්ස්  සුදු මල් පොකුරක් අතින් දරා, සඳරේණු වෑහෙනා, වෙරළ කොනක, මා හඬවලා, මහද ප්‍රේමාදරේ, මා එදා කියූ දේ, කැලෑ මලේ කොහේ ගියාදෝ, ඔබ හා ගෙවූ අතීතේ, ඔබ පෑ පෙම් සිනා, සීගිරියේ කුරුටු ගීත ලස්සනයි, සමුගන්න සමුදෙන්න නම් ආදී ජනප්‍රිය ගීත ගණනාවක් ගායනා කර ජනතාව අතර ප්‍රචලිත විය.  අවසන් කාලයේ අසනීප තත්ත්වයේ සොයුරියගේ රැකවරණ මැද ජීවත් විය. 
ඔහුගේ දේහය පිළිබඳ අවසන් කටයුතු සිදුකරන දිනය සම්බන්ධයෙන් මෙතෙක් තීරණයක් ගෙන නොමැති බව  සඳහන් කරයි.