පුවත්

‘‘අනුලසර 2017 ප‍්‍රසංගය’’28 වැනි දා කොළඹ බණ්ඩාරනායක සම්මන්ත‍්‍රණ ශාලාවේ දී

2017 සැප්තැම්බර් 26 වැනි අඟහරුවාදා - 61  

නුගේගොඩ අනුලා විද්‍යාලයෙන් ශ‍්‍රී ලාංකීය කලා කෙතට පෑයූ තාරකාවියන් රැසකි. අමිතා වැදිසිංහ, චරිතා පි‍්‍රයදර්ශනී පීරිස්, දීපිකා ප‍්‍රියදර්ශනී, ශෂිකා නිසංසලා යන ගායිකාවන් මේ අතරින් කිහිප දෙනෙකි. ඔවුන් කලාවේ දිදුළන තරු බවට පත්කරන්නට අනුලා විදුහල් මාතාව ලබා දුන් ශක්තිය අති මහත්ය.දක්ෂතා රැුසකින් පිරිපුන් තවත් කලාකාරිනියන් අනාගතයටත් බිහි කිරීමට අනුලා මාතාව ‘‘අනුලසර ප‍්‍රසංගය’’ වාර්ෂිකව පවත්වන්නීය. ප‍්‍රසංගය පිළිබඳ වැඩිදුර තොරතුරු විද්‍යාලයීය විදුහල්පතිනී පී. එන්. රාජපක්ෂ මහත්මිය අප සමග මෙසේ විස්තර කළාය.
විද්‍යායීය සිසුවියන්ගේ කලා කුසලතා ඔප්නැංවීම මූලික කර ගනිමින් වර්ෂ 2010 දී ‘‘රිදම් ඔෆ් අනුලා’’ නමින් කලා ප‍්‍රසංගයක් පැවැත් වුණා. 2011 වසරේ සිට ‘‘අනුලසර’’ නමින් මෙම ප‍්‍රසංගය වාර්ෂිකව පවත්වනවා. සැප්තැම්බර් මස 28 වැනි දිනට යෙදී තිබෙන්නේ ප‍්‍රසංගයේ හත් වැනි අදියරයි. මෙය ඉතා උත්කර්ෂවත් අන්දමින් පැවැත්වීමට මේ වන විට සියලූ කටයුතු සූදානම් කර තිබෙනවා.
විවිධ කලා හැකියාවන්ගෙන් යුත් 6 වැනි ශ්‍රේණියේ සිට 13 වැනි ශ්‍රේණිය දක්වා සිසුවියන් 300 කට ආසන්න පිරිසක් මෙම ප‍්‍රසංගය සඳහා සහභාගි වෙනවා. විද්වත් මණ්ඩලක අධීක්ෂණය යටතේ සිසුවියන්ගේ හැකියාවන් තෝරා බේරා ගැනීමට අපට පුලූවන් වුණා.පී. ජී. ධර්මසිරි මහතා ප‍්‍රධාන පුහුණුකරු ලෙස කටයුතු කළ අතර පාසලේ සංගීත, නැටුම්,නාට්‍ය ඇතු`ඵ සෞන්දර්යය විෂයන් භාර ගුරුභවතුන් පුහුණුවීම් සිදු කළා.
ප‍්‍රධාන වශයෙන් ඔකෙස්ට‍්‍රා බෑන්ඞ් කණ්ඩායමේ දක්ෂතා දැක බලා ගන්නට අවස්ථාව හිමි වෙනවා. ගිටාර්, ඩ‍්‍රම්ස්, වයලීන්, කොන්ගෝ, බටනලා, බොංගෝ, මෘදංගය, තවිල් බෙරය, ගැට බෙරය, තම්මැට්ටම, පියානෝව, චෙලෝ, චෙම්බේ, යන වාද්‍ය භාණ්ඩ රැුසක් මෙහිදී වාදනය කෙරෙනවා. ප‍්‍රසංගයෙහි ගායනා 20 ඇතුළත් වෙනවා. සිංහල, ඉංග‍්‍රීසි, දමිළ, හින්දි, ප‍්‍රංශ යන භාෂාවලින් ගී ගයනවා. නර්තන ගී පහකුත්, නාට්‍ය ගී දෙකකුත් ඇතුළත්. සහෝදර පාසල් කිහිපයක සිසුන්ගේ සහයෙන් යුග ගායනා තුනක් ඉදිරිපත් කිරීමට නියමිතයි.
සැප්තැම්බර් මස 28 වැනිදින කොළඹ බණ්ඩාරනායක සම්මන්ත‍්‍රණ ශාලාවේ දී (BMICH)ප.ව 3.00 ට හා ප.ව.6.30 ට දර්ශන වාර දෙකක් යටතේ ප‍්‍රසංගය පැවැත්වීමට නියමිතයි. 
මගේ අධීක්ෂණය යටතේ විද්‍යාලයීය සහකාර විදුහල්පතිනී මාධවී දිසානායක මහත්මියගේ සම්බන්ධීකරණයෙන් මෙම කටයුතු සිදු කෙරෙනවා. විද්‍යාලයීය සංගීත අංශයේ ඉදිරිපත් කිරීමක් වන මෙම ප‍්‍රසංගය සඳහා සමස්ත ගුරු මණ්ඩලයෙන් ලැබුණු සහයෝගය ඉතා අගය කොට සැලකිය යුතුයි. ප‍්‍රසංගය සාර්ථක කර ගැනීමට පාසලේ සමස්ත සිසුවියන් හා මවුපියන්ගේ ලැබුණු සහයෝගයත් ඉතා වැදගත්. පාසලේ ආදි සිසුවියන් සහ පාසල් සංවර්ධන සමිතියේ දිරි ගැන්වීමත් සහයෝගයත් මෙහිදි විශේෂයෙන් සිහිපත් කළ යුතුයි.
සටහන – ශිරෝන් ස්වර්ණසිරි
ඡායාරූප – සේහාන් වික‍්‍රමසිංහ

දින පොත
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...
  • තාරකා විද්‍යාඥයෙක් වෙන්න මග කියන දුරේක්ෂයක් දිනා ගන්න Read more...