පුවත්

සාක් සමුළුව කල් යයි

2016 ඔක්තෝබර් 02 වැනි ඉරිදා - 86  

පාකිස්තානයේ ඉස්ලාමාබාද් නුවර පැවැත්වීමට නියමිතව තිබූ 19 වැනි සාක් සමුළුව දින නියමක් නොමැතිව කල් දැමීමට පාකිස්තානය රජය තීරණය කර තිබේ.

සාක් සමුළුව මේ වසරේ නොවැම්බර් මස 9 දා හා 10 දා දක්වා පැවැත්වීමට නියමිතව තිබිණි.

පාකිස්ථානයේ පැවැත්වීමට නියමිත සාර්ක් සමුළුව දින නියමයක් නොමැතිව කල් දමන ලද්දේ ශ්‍රී ලංකාව ඇතුළුව සාක් රටවල් පහක් එම සමුළුව පැවැත්වීමට තරම් සුදුසු වාතාවරණයක් පාකිස්තානය තුළ නොමැති බව ප්‍රකාශ කිරීමත් සමගිනි.

පසුගිය සිකුරාදා දිනයේදී ශ්‍රී ලංකාවේ විදේශ කටයුතු අමාත්‍යාංශය නිවේදනයක් නිකුත් කරමින් සඳහන් කළේ, දැනට කලාපය තුළ පවතින වාතාවරණය තුළ සාක් සමුළුව ඉස්ලාමාබාද් නුවර පැවැත්වීමට තරම් සුදුසු නොවන බවයි.

ශ්‍රී ලංකාව මේ බව සඳහන් කිරීමෙන් පැය කිහිපයකට පසුව පාකිස්තානය නිවේදනයක් නිකුත් කරමින් පැවැසුවේ නොවැම්බර මස ඉස්ලාමාබාද් නුවර, පැවැත්වීමට නියමිතව තිබූ සාක් සමුළුව එම දිනයන්හි නොපැවැත්වෙන බවත් සමුළුව පැවත්වෙන ඊළඟ දිනයන් ඉතාමත් ඉක්මනින්ම ප්‍රකාශයට පත්කරන බවයි.

ඉන්දියාව, ශ්‍රී ලංකාව, බංග්ලාදේශය, ඇෆ්ගනිස්තානයහා නේපාලය යන රටවල් පාකිස්තානයේ සාක් සමුළුව  පැවැත්වීමට සුදුසු වාතාරණයක් නොමැති බව ප්‍රකාශ කළේය. ජම්මු කාශ්මීර ගැටුම් හේතුවෙන් ඉන්දියාව මුලින්ම සමුළුව වර්ජනය කරන බව ප්‍රකාශ කළේය.

පාකිස්තාන විදේශ කටයුතු අමාත්‍යාංශය නිකුත් කළ නිවේදනයේ වැඩිදුරටත් දැක්වූයේ, සමුළුව පැවැත්වෙන දිනයන් වර්තමානයේ සාක් සභාපතීත්වය දරණ භූතානය සමග සාකච්ඡා කර ඉක්මනින්ම දැනුම් දෙන බවයි.

සිකුරාදා දිනයේදී ශ්‍රී ලංකාව නිකුත් කළ නිවේදනයේ වැඩිදුටරත් සඳහන් වූයේ,කලාපීය සහයෝගීතාව සඳහා සාක් ප්‍රඥප්තියෙහි පොදු විධිවිධානවලට අනුකූලව සියලුම මට්ටම්වලදී ගනු ලබන තීරණ ඒකමතිකභාවයකින් යුක්ත විය යුතු අතර, එම ප්‍රතිපත්තිය සාක් සාමාජික රටවල රාජ්‍ය නායකයන්ගේ රැස්වීම් කැඳවීම පිළිබඳ කාරණය සඳහාද අදාළ වන බවයි.

 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...