ස්ථාන

රිදී විහාරයේ සිතුවම්

2018 දෙසැම්බර් 12 වැනි බදදා - 144  

කුරැණෑගල දිස්ත්‍රික්කයේ රිදීගම ප්‍රාදේශීය ලේකම් කොට්ඨාසයේ රිදීගම ග්‍රාමයේ මෙම රිදී විහාරය පිහිටා ඇත. 
රාජ්‍ය අනුග්‍රහය
රිදී විහාරය පිළිබඳ ඓතිහාසික කථාවට අනුව දිනක් ගැල් වෙළඳාමේ ගිය වෙළෙන්දෙකුට විහාරයේ ලෙනක් තුළ ඇති රිදී වැලි දැකගත හැකි විය. ඔහු ඒ ගැන දුටුගැමුණු රජුට පැවසූ විට රජු ඒ පුවත අසා සතුටු වී එම වැලිවලින් රැවන්වැලිසෑය නිර්මාණය කොට මෙම ස්ථානයේද විහාරයක්  කරවීය. එතැන් පටන් මෙම ස්ථානය &රජත ලෙන* ලෙස ප්‍රසිද්ධ වී ඇත. රිදී විහාරය රජමහා විහාරයක් ලෙස ප්‍රසිද්ධියට පත් වන්නේ කීර්ති ශ්‍රී රාජසිංහ රජතුමාගේ කාලයේදීය. 
ප්‍රධාන කොටස් තුනකි
රිදී විහාරයේ නටබුන් ප්‍රධාන කොටස් තුනකි. එනම්, මහා විහාරය, උඩ විහාරය හා වරකා වැළඳූ විහාරය යනුවෙනි. මෙකී ස්ථාන තුනෙහිම ගල් ගුහා ඇත. මෙහි විහාරාංග අතරින් පැරණිම අංගය වන්නේ මහා විහාරයයි.
සිතුවම්
රිදී විහාරයේ ප්‍රධාන තැන ගන්නේ මහා විහාරයයි. විශාල උස් ගල් ලෙනක් යට පිහිටා ඇත. ගලේ යටි පැත්තේ සිතුවම් ඇඳ ඇත. විහාරයට ඇතුළුවන දොරටුවට ඉහළින් මකර තොරණකි. එහි පහළ යටි පැත්තේ මාර යුද්ධය දක්වා ඇත. රිදී විහාරයේ සිතුවම් වැඩිපුරම දක්නට ඇත්තේ මහා විහාරයට උඩින් ඇති උඩ විහාරයේය.  විහාරය ඇතුළේ ඇති සිතුවම් මහනුවර යුගයේදී නිම කර ඇත. මහනුවර සම්ප්‍රදායේ බිතු සිතුවම් දක්නට ඇති විහාරස්ථාන අතුරින් රිදී විහාරය විශේෂත්වයක් ගනී. මෙහි සුවිශේෂී සිතුවම  වන්නේ ජේසු චරිතය විදහාපාන සිතුවමයි.
දෙවන සතිය
උඩරට ශිල්පියා සිතුවම් සඳහා තේමා කර ගත්තේ ජාතක කථා, බුද්ධ චරිතයේ සිද්ධි හා ඓතිහාසික සිද්ධීන්ය. එනමුත් රිදී විහාරයේ ජාතක කථා එකක්වත් ඇඳ නොතිබීම විශේෂත්වයක් ගනී. සත්සතිය, සොළොස්මස්ථාන, සූවිසි විවරණය, සත්ව රෑප ඒ අතර වෙයි. සත්සතියේ දෙවන සතිය දැක්වෙන සිතුවම අගනා සිතුවමකි. මෙහි බුදුන්වහන්සේගේ හස්තයෙන් දැක්වෙන මුද්‍රාව දුර්ලභ ගණයේ එකකි. 
පරම්පරා දෙකක්
සිත්තම් කර ඇති සත්ව රෑ අතර සිංහ රෑ දෙකකි. එකක් පසකට හැරී සිටී. මෙම සිංහයා ඉදිරි පය ඔසවා ගෙන සිටී. මුඛයේ මල් ඉත්තකි. අනෙක් සිංහ රැව ත්‍රි සිංහ රැව ලෙස හඳුන්වයි. ත්‍රි සිංහ රැවේ තිදෙනාටම ඇත්තේ එක් මුහුණකි. වෘෂභ කූඤජරය හා නවනාරී කුඤජරයද දර්ශනීය සිතුවම්ය. රිදී විහාරයේ උළුවස්සේ ඉතා දර්ශනීය ඇත් දත් කැටයම් දක්නට ලැබෙයි. ශිල්පීය පරම්පරා දෙකක් මෙම විහාරයේ චිත්‍ර ඇඳ ඇත. මුල්ම සිතුවම් ඇඳ ඇත්තේ දෙවරගම්පොළ සිල්වත් තැන නම් භික්ෂූන් වහන්සේ විසිනි. පසු කලක නීලගම පරම්පරාවේ ශිල්පීන් විසින් එම කාර්යය අවසන් කර ඇත.

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...