ස්ථාන

පොලොන්නරුවේ ඓතිහාසික ස්ථාන

2018 දෙසැම්බර් 14 වැනි සිකුරාදා - 126  

නිශ්ශංක ලතා මණ්ඩපය

පොලොන්නරැ දළදා මළුවේ ථූපාරාම ප්‍රතිමා මන්දිරයට උතුරැ දෙසින් නිශ්ශංක ලතා මණ්ඩපය පිහිටා ඇත. මෙය පොලොන්නරැවේ රජ කළ නිශ්ශංකමල්ල රජුගේ නිර්මාණයකි. රජු පිරිත් ශ්‍රවණය කිරීම සඳහාත්,  දළදා වහන්සේ වන්දනාමාන කිරීම සඳහාත් මෙම මණ්ඩපය යොදා ගෙන ඇත. ඒ බව අභිලේඛ මූලාශ්‍ර මගින්ද තහවුරැ වී ඇත.  ගල් ගරාදි වැටකින් වට කරන ලද මෙම මණ්ඩපය අපූර්ව නිර්මාණයකි. මෙම ගල් වැට ඇතුළත ගලින්ම නිර්මිත වේදිකාවකි. වේදිකාව වටා කළු ගලින් නිම කළ ගල් ටැම් කිහිපයක් දක්නට ලැබේ. ගල් ටැම් වලින් වට වූ වේදිකාව මධ්‍යයේ කුඩා චෛත්‍යයක් දක්නට ඇත. පේසා වළලු වලින් හා ගර්භයකින් යුතු වූ දාගැබ මත පිරිත් දේශනයේ දී වැඩමවන ධාතු කරඬුව තැන්පත් කරන්නට ඇතැයි සැලකේ. දාගැබ වටා අංජලී මුද්‍රා සහිත මානව රෑ කැටයම් කොට ඇත.

පොත්ගුල් ප්‍රතිමාව

පොලොන්නරැව නගරයේ සිට පරාක්‍රමසමුද්‍රය බැම්ම ඔස්සේ කිලෝමීටරයක් පමණ දුරක් යන විට පොත්ගුල් විහාරය අසල ගල් කුළක මෙම ප්‍රතිමාව නෙළා ඇත. පිහිටි කළු ගලෙන් මතු කර ඇති ප්‍රතිමාව පිටුපසින් එය නෙළා තිබෙන ගල හා සම්බන්ධ වේ. ප්‍රතිමාවෙන් ප්‍රතාපවත් දේහධාරී මිනිසකු නිරෑපණය කරයි. ශරීරය සෘජුය. මානව ප්‍රමාණයට වඩා විශාල ශරීර ලක්ෂණ පෙන්නුම් කරයි. රෑපය තරමක් විශාල ලෙස කැටයම් කර ඇතත් දක්ෂ ලෙස ශාරීරික ලක්ෂණ නිරෑපණය කර ඇත. ඉඳුරන් උපශාන්ත බවක් පෙන්වයි. ප්‍රතිමාව වෘද්ධ හා ගාම්භීර භාවයෙන් පිරිපුන්ය.  උඩුකය නිරැවත්ය.  නළල් තළය පුළුල්ය. උරය පළල්ය. ළයමඬල හා බාහු යුග්මය මනා පෞරැෂයකින් සමන්විතය. උඩුකයේ ඇති පූන නූල ශරීරයේ දැකිය හැකි එකම ආභරණයයි. සිරැරේ බර වම් පාදයට යොමු කොට ඇත. දෑතින් දරා ඇති දේ මත ප්‍රතිමාව පිළිබඳ විවිධ අදහස් දැක්වීමට විචාරකයන් පෙලඹී ඇත. ප්‍රතිමාවෙන් විදහා දැක්වෙන්නේ කවුරැන්ද යන වගට තවමත් නිශ්චිත අදහසක් නැත. එච්. සී.පී. බෙල් මහතා පවසන්නේ මෙයින් යම්කිසි ආගමික ආචාර්යවරයෙකු නිරෑපණය වන බවයි.  ඇතැම් විට මෙය පුලස්ති හෝ කපිල සෘෂිවරයාගේ පිළිරැවක් විය හැකි බවටත් එතුමන් පවසයි. ආනන්ද කුමාරස්වාමි මහතාගේ මතය වන්නේ මෙමඟින් සෘෂිවරයෙකු නිරෑපණය වන බවයි. මහාචාර්යය සෙනරත් පරණවිතාන මහතාගේ මතය වන්නේ දෑතේ ඇති දෙයින් රාජ්‍යත්වය සංකේතවත් වන බවයි. දෑතේ රඳා පවතින්නේ එබඳු වියගසක් බවත් මෙය රජ රැවක් බවත් එතුමන්ගේ අදහසයි. පරාක්‍රම සමුද්‍රයට යාබඳව නෙළා ඇති නිසා රට අහරින් ස්වයංපෝෂිත කළ මහා පරාක්‍රමබාහු රජුගේ පිළිරැව විය හැකි බවටත් එතුමා තවදුරටත් අදහස් දක්වා ඇත. කිනම් මත ඉදිරිපත් වී ඇතත් පොදුවේ ගත හැකි අදහස නම් මෙම ප්‍රතිමාවෙන් පොලොන්නරැ යුගයේ ගල් වඩුවාගේ ශිල්පීය ඥානය හා කුසලතාව මැනවින් විදහා දැක්වෙන බවයි.

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...