ස්ථාන

පොලොන්නරු උත්තරාරාමයේ බුද්ධ ප්‍රතිමා ත්‍රිත්වය

2018 දෙසැම්බර් 19 වැනි බදදා - 82  

පොලොන්නරැ රාජධානි අවධියේදී නිර්මාණය කෙරැණු බෞද්ධ මූර්ති අතුරින් ගල් විහාරයේ බුද්ධ ප්‍රතිමා ඉතා වැදගත් තැනක් ගනී. මෙම සුවිසල් බුද්ධ ප්‍රතිමා දොළොස්වන සියවසට අයත් යැයි සැලකෙයි. පොලොන්නරැවේ රජකම් කළ මහා පරාක්‍රමබාහු රජු විසින් කරවන ලදැයි පිළිගැනෙයි.  
තිරස් අතට විහිදී ගිය ගල් පර්වතයක ස්වාභාවික පිහිටීම උපයෝගී කරගනිමින්  මෙම පිළිම නෙළා ඇත.

සමාධි ප්‍රතිමාව


ගල් කුළේ උසින් අඩු කොටසක් සමාධි බුද්ධ ප්‍රතිමාව නෙළීම සඳහා යොදා ගෙන ඇත. පිළිමයේ සම්පූර්ණ උස මීටර් 4.5 ක් පමණ වේ. පොලොන්නරැ ශිල්පියාට ආවේණිකවූ සමාන්තරව දිවෙන යුගල රේඛාවෙන් චීවරය සකස් වී ඇත.
 බුදු රැව ධ්‍යාන මුද්‍රාවෙන් යුක්තය. වජ්‍රාසනාරෑඪව වීරාසන ක්‍රමයට වැඩ හිඳී. වැඩ හිඳින අසුනේ ඇති වජ්‍ර සංකේතය මඟින් මෙම ආසනය වජ්‍රාසනය බව පෙන්නුම් කරයි. ආසනය කොටස් වලට බෙදා අල්ප උන්නතව සිංහ රෑප හා වජ්‍ර රෑප කැටයම් කොට ඇත. 
බුද්ධ ශීර්ෂය පිටුපස අශ්ව ලාඩමක හැඩය ගත් ප්‍රභා මණ්ඩලයකි. ඒ වටා තොරණක් බඳු අගනා කලාකෘති රුසකි. අද වන විට දක්නට ඇත්තේ විමාන සතරක් වුවද අතීතයේ එහි විමාන පහක් වූ බව සඳහන් වේ. මෙම විමාන තුළ හිඳි බුදු රෑ එක බැගින් කැටයම් කොට ඇත. මෙම බුදු රෑ වලින් මහායාන බුදු දහමේ එන පංච ධ්‍යානී බුද්ධ මණ්ඩලය නිරෑපණය වන බව කියැවේ. මේ ආකාරයෙන් මහායානික ලක්ෂණ පෙන්නුම් කරන මෙම බුද්ධ ප්‍රතිමාවට ඉන්දීය පල්ලව කලා ආභාසය ලැබී ඇති බව පැහැදිලිව පෙනෙයි.

හිටි ප්‍රතිමාව


හිටි බුද්ධ ප්‍රතිමාව උසින් අඩි 9යි අඟල් 22 ක් පමණ වෙයි. මෙම ප්‍රතිමාව වියතුන් අතර විවිධ මතභේදයට ලක්ව ඇත. අසල ඇති සැතපෙන බුද්ධ ප්‍රතිමාව මඟින් බුදුන් වහන්සේගේ පිරිනිවන් මංචකය සිහිපත් කරවන බවත් බුදුන්ගේ පිරිණිවන් පෑමෙන් සංවේගයට පත් ආනන්ද හිමියන් මෙමඟින් නිරෑපණය වන බවත් ඇතැමෙකුගේ අදහසයි. එහෙත් එම අදහස තරයේ ප්‍රතික්ෂේප කරන ඇතැම් වියතුන් පෙන්වා දෙන්නේ බුදු රැවක් හැර වෙනත් කිසිදු රැවක් පද්මාසනයක් මත වැඩහිඳින අයුරින් නිර්මාණය නොකරන බවයි. 
සෙනරත් පරණවිතාන මහතාගේ මතය වන්නේ බුදුරජානන් වහන්සේ මහා කරැණාවෙන් යුක්තව වැඩහිඳින අයුරින් පරදුක්ඛ දුක්ඛිත මුද්‍රාවෙන් යුතුව ප්‍රතිමාව නෙළා ඇති බවයි. මෙම මුද්‍රාව සහිත බුද්ධ ප්‍රතිමා දක්නට ලැබෙන්නේ ඉතා විරළ වශයෙනි. සිරැරේ බර වම් පාදයට දී දකුණු පාදය මඳක් ඉදිරියට යොමා සිටී.

සැතපෙන ප්‍රතිමාව 


අඩි 46 ක් හා අඟල් 4 ක් දිගින් යුක්තය. මෙම ප්‍රතිමාවත් වියතුන් අතර කතාබහට ලක්වූ ප්‍රතිමාවකි. එනම් මෙය සැතපෙන ප්‍රතිමාවක්ද නැතහොත් පිරිනිවන් මංචකය දැක්වෙන ප්‍රතිමාවක්ද යන බවටයි. 
හිස තබා ඇති කොට්ටය හිසෙහි බරට ඇළුණු ස්වරෑපයක් දක්වා තිබීමෙන් ශිල්පියාට මාධ්‍ය හැසිරවීම පිළිබඳව තිබූ දක්ෂතාව පෙන්නුම් කරයි. 

 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...